Elorda ákimdiginde saýda ortalyqtaryndaǵy qosymsha qaýipsizdik sharalary men adamdar kóp jınalatyn oryndar týraly talqylandy, dep habarlaıdy Qamshy.kz aqparat agenttigi Astana ákimdiginiń resmı saıtyna silteme jasaı otyryp.

Jıyn barysynda Astanadaǵy saýda oıyn-saýyq ortalyqtaryndaǵy órtke qarsy qaýipsizdik qalalyq ákimdiginiń únemi baqylaýynda ekendigi atap ótildi. Astanadaǵy Tótenshe jaǵdaılar jónindegi departamenttiń málimetinshe, esepte táýekel deńgeıi joǵary nysanǵa jatatyn 117 saýda nysany bar, onyń 83-i saýda úıi, 9 - saýda oıyn-saýyq ortalyǵy, 25-i bazar.  2017 jyly erekshe tártippen 46 tekserý júrgizilgen.

Tekserý barysynda kóshirý joldarynyń jaǵdaıy, jaryq berýshi  elektr jelileri men qýat kózderiniń jaı-kúıiniń bolýy, órtti baıqaıtyn avtomatty júıeniń túzetý jaǵdaıynyń bolýy, ishki jáne syrtqy órtke qarsy sý jabdyǵy men eń birinshi órt sóndirý quraldarynyń saqadaı saı turýyna basa mán berildi.  9 OSO-nyń 6 tekserildi. Úsh ortalyqtan 32 ereje buzýshylyq anyqtalǵan. Ákimshilik jaýapkershilikke 3 adam tartylyp, aıyppul salyndy.

Eki OSO-da aýdıt júrgizildi, al 1 nysanǵa  (Mega Silk Way Astana) tekserý osy jyly jasalady. Bıyl erekshe tártippen Astanadaǵy 50 saýda obektilerine qatysty tekserý júrgiziledi. Tekserý kezinde qaýipsizdik tehnıkalary erejesiniń saqtalýy, órt sóndirý júıesi men habarlandyrý, evakýasıa sqemasy men avarıalyq shyǵý joldaryna basa mán berilmek.