Memleket basshysy Nursultan Nazarbaev Qazaqstan halqy Assambleıasynyń kezekti sesıasyn shaqyrý týraly Ókimge qol qoıdy, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.
Ókimde Assambleıanyń kezekti 26-ynshy sesıasy 28 sáýir kúni Astana qalasyndaǵy Beıbitshilik jáne kelisim saraıynda ótetindigi aıtylǵan. Sesıa taqyryby - «Bes áleýmettik bastama - qoǵamnyń áleýmettik birliginiń tuǵyry».
Qazaqstan Respýblıkasy Prezıdentiniń Ókimi
Qazaqstan halqy Assambleıasynyń jıyrma altynshy sesıasyn shaqyrý týraly
- Qazaqstan halqy Assambleıasynyń jıyrma altynshy sesıasy 2018 jylǵy 28 sáýir kúni Astana qalasyndaǵy Beıbitshilik jáne kelisim saraıynda «Bes áleýmettik bastama - qoǵamnyń áleýmettik birliginiń tuǵyry» kún tártibimen shaqyrylsyn.
- 2. Qazaqstan Respbýlıkasynyń Úkimeti Qazaqstan halqy Assambleıasynyń jıyrma altynshy sesıasyn ótkizýdi uıymdastyrý jóninde sharalar qabyldasyn.
Qazaqstan Respýblıkasynyń Prezıdenti N.Nazarbaev Astana, Aqorda, 2018 jylǵy 26 naýryz №125
