Búgingi Úkimet otyrysynda SHQO ákimi Danıal Ahmetov premer-mınıstrge óńirdegi jaǵdaıdy tanystyryp, óz usynysyn aıtty, dep jazady Qamshy.kz aqparat agenttigi.

«Ruqsat bolsa bir másele bar edi. Tótenshe jaǵdaılar departamentiniń birde-bir qural jabdyqtary joq. Mysaly, eń kerek qural – kóshpeli motopompa norma boıynsha 112 bolýy kerek, al bizdiń oblysta 2 ǵanaú. Bizde, Báke, 2 ǵana. Qaıyq 64 bolýy kerek, odan 14-i ǵana, vezdehod 55 normamen bólinýi kerek, bizde onyń bireýi de joq, jaı ǵana kólik 55 bolýy kerek, oblysymyzda tek qana 9. Al endi jigitter sýdyń basynda júr ǵoı, myna gıdrokombenızon deımiz, ol bizde 1000 bolýy kerek, bizde barlyq oblysymyzda 86 ǵana bar. Biz, Báke, osy jaǵdaıda jaı qaramaı, osy jyldyń basynda 300 mıllıon teńge bóldik, qazir taǵy da 200 mıllıon tege bólip otyrmyz, biraq osy máseleni birge sheshýge bir múmkinshilikti, Báke, tabý kerek qoı deımin. Jaǵdaı jaman emes, ózimiz jumys istep júrmiz. Biraq ta bizdiń jigitterde tek qana qol bar. Taǵy da aıtaıyn, jarty mlrd bóldik. Az ýaqyttyń ishinde osy qıynshylyqtan, sózsiz, ótemiz», - dedi SHQO ákimi.

Premer-mınıstr bul usynysqa qoldaý bildirip, óziniń birinshi orynbasary Asqar Mamınge tapsyrma berdi.

«Asqar Uzaqbaıuly, qajetti memlekettik organdarmen birlesip otyryp, qarap shyǵyńyz. Bul tek qana SHQO-daǵy jaǵdaı emes, barlyq oblysta sondaı bolýy múmkin. Ásirese, sý kóp shyǵyp jatatyn soltústik óńirlerde, qar kóp jaýǵannan», – dedi Baqytjan Saǵyntaev.