Qazaqstan Respýblıkasynyń Dýbaıdaǵy Dúnıejúzilik EKSPO-2020 kórmesine qatysý týraly shartqa qol qoıyldy, dep habarlaıdy Qamshy.kz aqparat agenttigi «Astana EKSPO-2017» UK» AQ baspasóz qyzmetine silteme jasaı otyryp.

Dúnıejúzilik EKSPO kórmesi Dýbaı shaharynda 2020 jyldyń 20 qazanynan 2021 jyldyń 10 sáýiri aralyǵynda «Bolashaq úshin sana-sezimdi biriktirý» taqyrybynda, onyń ishinde «Múmkindik», «Mobıldilik» jáne «Turaqtylyq» degen uǵymdardan turady. Uıymdastyrýshylar kórmeni 25 mln. adam tamashalaıdy dep kútýde. Aıta ketsek, EKSPO kórmesi Taıaý Shyǵysta birinshi ret ótkizilmekshi.

Kórme kesheni «úsh japyraq» pishinde usynylǵan jáne Birikken Arab Ámirlikteriniń pavılony, sondaı-aq, kórme uǵymdaryna saı 3 taqyryptyq klaster dıametri 150 metrdi quraıtyn «Ál-Vasl» plazasy ortalyq nysanynyń qasynda ornalasady. BAÁ pavılonynyń jobasyn ıspandyq sáýletshi Santágo Kalatrava, «Múmkindik» pavılonyn – BIG (Bjarke Ingels Group), «Mobıldilik» - Foster and Partners, «Turaqtylyq» - Grimshaw Architects jasady.

EKSPO kesheniniń jalpy aýmaǵy 438 ga. quraıdy. Oǵan 150 ga. kóleminde kórme aýmaǵy, sondaı-aq, jerústi metro stansasy, «Dubai South Mall» saýda ortalyǵy, turǵyn úı, logıstıkalyq jáne qonaq úı nysandary kiredi.

Qazirgi ýaqytta, «EKSPO-2020 Dýbaı» kórmesine 170 el qatysatyndyǵyn rastap, 55 el kelisimge qol qoıǵan.

Esterińizge sala keteıik, kelisimge Dýbaıdaǵy Dúnıejúzilik EKSPO-2020 kórmesinde Qazaqstan Respýblıkasynyń Ulttyq seksıasynyń bas komısary, «Astana EKSPO-2017» UK» AQ Basqarma Tóraǵasynyń orynbasary Allen Sháıjúnisov pen «EKSPO-2020 Dýbaı» búrosynyń atqarýshy dırektory Nadjıb Mohammed ál-Álı qol qoıdy.