Qazaqstannyń birneshe oblysynda qar sýynyń jınalýy jáne  daýyl bolatyny jaıly eskertý jarıalandy, dep habarlaıdy «Kazgıdromet» RMK.

29 naýryzda Jambyl jáne Ońtústik Qazaqstan oblystarynda boljanyp otyrǵan jańbyrdan keıin taý ózenderi tasýy múmkin.  Sondaı-aq, 29 naýryz - 1 sáýir kúnderi Almaty oblysynda jáne Almatyda boljanyp otyrǵan jańbyr saldarynan sý kóbeıip, taý ózenderi tasýy múmkin.

29 naýryz - 1 sáýir aralyǵynda Pavlodar oblysynda jaýyn-shashyn kútiledi, 30 naýryzda qatty nóser jaýady jáne kúndizgi temperatýra kúrt kóteriledi. Sondaı-aq, Shúlbi sý qoımasynan bosatylatyn sý kóleminiń ulǵaıýy jáne jergilikti qarǵyn sýdyń jınalýy  esebinen ózen jaǵasyndaǵy ýchaskelerdi sý basýy múmkin.

31naýryz - 1 sáýir aralyǵynda Qaraǵandy oblysynda kóktemgi qarǵyn sý áserinen sý deńgeıi kóteriledi.

29 naýryz - 1 sáýir aralyǵynda  SHQO-da kúnniń jylynýyna jáne jaýyn-shashynǵa baılanysty  taý ózenderiniń tasýy, sý deńgeıiniń kúrt kóterilýi, arnalardyń bógelýi  sebebinen eldi mekenderdi sý basý qaýpi bar.