Almaty oblysynda múgedek bala asylyp turǵan jerinen tabyldy. Jantúrshigerlik oqıǵa Talǵar qalasyndaǵy múgedek balalar úıinde bolǵan. Túngi kezekke qalǵan kútýshi jylap qoımaǵan segiz jasar balany tóseginde tunshyqtyryp, artynsha jýynatyn bólmege súırep aparyp býyndyryp óltirgen degen kúdikke ilinip otyr. Al, kútýshiniń qylmysyn jasyrmaq boldy ma, mekeme basshylyǵy jetkinshektiń ata-anasyna «júregi toqtap qaldy» degen. Alaıda júıke júıesiniń aýytqýymen dúnege kelgen balasynyń kókala qoıdaı denesin kórgen ata-ana birden polısıaǵa aryzdanypty. Bul týraly Qamshy.kz aqparat agenttigi KTK telearnasyna silteme jasap habarlaıdy.
