Dımash Qudaıbergen Belarýste ótetin «Slaván bazary» baıqaýynyń qazylar alqasy quramyna endi, dep habarlady Qamshy.kz aqparat agenttigi.

Bul týraly ánshi Instagram jelisindegi paraqshasynda málimdedi.

«Bul baıqaýdyń meniń ómirimde alatyn orny erekshe. Qazaqstan men sheteldiń halyqaralyq baıqaýlarynda jeńiske jetip, túrli konsertinde, tv jobasynda óner kórsetken soń "Slaván bazary" baıqaýynan jeńiske jetkennen keıin dál osy Belarýs elinde ózimdi belgili ártis retinde sezindim. Men bul baıqaýdy jáne bir kezderi úlken estradaǵa shyǵyp óz elimniń mádenıetin tanystyrýyma múmkindik bergen osyndaý tańǵajaıyp eldi qatty jaqsy kóremin. Osy jyly "Slaván bazarynda" qonaq retinde óner kórsetemin jáne qazylar alqasynyń múshesi bolamyn. Kezdeskenshe, Belarýs! Shildede kórisemiz», – dedi Dımash.

Esterińizge sala keteıik, Dımash Qudaıbergen «Slaván bazary – 2015» baıqaýynda jeńiske jetken. Al 2017 jyly Qytaıda ótken I am a singer baıqaýyna qatysyp, álemge tanylǵan.