Búgin Aqmola oblystyq sotynyń tóraǵasy Dosjan Ámirov jáne Aqmola oblysynyń kásipodaqtar Ortalyǵynyń tóraǵasy Qalı Rahmetov ózara áriptestik jónindegi Memorandýmǵa qol qoıdy, dep jazady Qamshy.kz aqparat agenttigi.

Daýlardy beıbit túrde sheshý jáne qoǵamdaǵy daýlardyń deńgeıin tómendetý, Qazaqstan Respýblıkasy Prezıdentiniń «Qazaqstan-2050» Strategıasynda, «100 naqty qadam» Ult jospary, «Rýhanı jańǵyrý» baǵdarlamalarynda qoıylǵan tapsyrmalaryn oryndaý úshin halyqtyń eńbek jáne basqa da daýlardy tatýlasý tártibimen sheshý múmkindikterin arttyrýǵa baǵyttalǵan birikken is-áreketter qabyldaý maqsatynda, oblystyq sot jáne kásipodaqtar ortalyǵy daýlar men janjaldardy retteý boıynsha turǵyndarǵa keshendi qyzmet kórsetý úshin Tatýlasý ortalyǵyn ashýǵa sheshim qabyldady.

Sot jáne kásipodaqtar birlestikteri qol qoıylǵan Memorandýmǵa sáıkes, Tatýlasý ortalyǵynyń jumysyn uıymdastyrý máseleleri, halyq arasynda tatýlasý rásimderi týraly nasıhat júrgizý, daýlardy tatýlasý tártibimen retteý rásimderi boıynsha zańnamany jetildirý, medıatorlardy oqytý jáne qyzmet kórsetý sapasyn jetildirý boıynsha ózara árekettesetin bolady. Taraptar tatýlastyrý rásimderin jáne daýlardy beıbit jolmen sheshý tájirıbesin damytý boıynsha, qajetti aqparattarmen almasýǵa, azamattardyń quqyqtary men múddelerin qamtamasyz etýge, qoǵamdaǵy daýlardyń deńgeıin tómendetýge baǵyttalǵan birlesken jobalarǵa qatysýǵa, azamattardyń quqyqtary men múddelerin júzege asyrýdy qamtamasyz etýge jáne basqa da birlesken is-sharalar ótkizýdi josparlady.

Aqmola oblystyq sotynyń tóraǵasy D.Ámirov is-sharada sóz sóıleı otyryp, medıasıany keńinen qoldaný jáne damytýdyń mańyzdylyǵyn túsindirip ótti. Sonymen qatar, medıatorlardyń qatysýymen sottarda qaralǵan isterdiń sany týraly statısıkalyq málimetter jóninde aıtyp ótti.

Máselen, Aqmola oblysy sottarymen 2016 jyly medıasıa tártibimen 3,3%, al 2017 jyly – 7,4%, 2018 jyldyń eki aıynda 12,1% qaraldy.

«Daýdy medıasıa tártibimen retteý týraly kelisim jasaýdyń taraptarǵa tıimdiligi olardyń talap aryz berý kezinde memlekettik búdjetke tólegen memlekettik baj somalary qaıtarylady. Mysaly, 2016 jyly – 19 002 996 teńge, 2017 jyly – 94 102 392 tenge, al 2018 jyldyń eki aıynda – 5 797 493 teńge memlekettik baj talap qoıýshyǵa qaıtaryldy» - dedi tóraǵa.

D.Ámirov medıasıa ınstıtýtyn odan ári damytý maqsatynda eńbek daýlary men janjaldardy sheshý máselelerinde, medıatorlardy oqytý jáne tatýlastyrý rásimderiniń tıimdiligi men ony nasıhattaýda sottar men kásipodaq uıymdarynyń birlesken jumys atqarýlary qajettiligin atap ótip, sonymen qatar, bastapqy birlesip jasalyp jatqan is-qımyldary úshin alǵys bildirdi.