31 naýryz kúni «Qazaqstan» Ulttyq arnasynda «Q-pop idols» (Qazaq pop idols) realıtı-shoýynyń tusaýkeseri bolmaq, dep jazady Qamshy.kz aqparat agenttigi.

Atalmysh joba mýzykalyq telebaıqaý formatynda ótpek. Jobanyń jetekshisi - tanymal prodúser ári mýzykant Erbolat Bedelhan.

Jobanyń maqsaty – zamanaýı mýzyka arqyly jastar arasynda qazaq tilin nasıhattaý.

Jobanyń talaby boıynsha qatysýshylar vokalmen qosa bı sheberligin ortaǵa salyp, qazirgi zamanǵy mýzykanyń erekshelikterinen habardar bolýy kerek. Atap aıtqanda, jan-jaqty bolyp, óleń, mýzyka jaza alatyn daryndy úmitkerler baq synasady.

Sonymen qatar, «Q-pop idols» jobasynyń jeńimpazdary, jańa  «Juz’I’m» dep atalatyn qyzdar tobynyń quramyna enetin bolady. Osy jobaǵa ótý úshin, kastıngke elimizden basqa, Reseı jáne Qytaıdan 800-den astam jas daryndy qyzdar qatysyp, óz ónerlerin kórsetti.

«Q-pop idols» realıtı-shoýyn 31 naýryzdan bastap,  «Qazaqstan» Ulttyq telearnasynan ár senbi saıyn 22:45-te kóre alasyzdar!