Shymkentte balmuzdaqtan ýlanyp, jaǵdaıy nasharlaǵan naýqastar jansaqtaý bóliminen palataǵa aýystyryldy. Bul týraly Oblystyq densaýlyq saqtaý basqarmasynyń baspasóz qyzmeti málim etti, dep habarlaıdy  Qamshy.kz aqparat agenttigi.

Basqarmanyń málimetinshe, qalalyq juqpaly aýrýlar aýrýhanasynyń jansaqtaý bóliminde jatqan tórt naýqas qalypty jaǵdaıǵa túsken.  Bir eresek turǵyn men júkti áıel jáne eki jasóspirim qazir bólimshelerge aýystyrylǵan. Sondaı-aq alty naýqastyń densaýlyǵy jaqsarǵan soń, aýrýhanadan shyǵaryldy. Sala mamandarynyń sózinshe, kesheden beri aýrýhanaǵa balmuzdaqtan ishi aýyryp túsken  áli de túsirip jatqandar bar. Aýrýhanaǵa jatqyzylǵan naýqastardyń sany 50-den asqan. Sonymen qatar balmuzdaq jep aýyrǵandardyń birqatary aýdan-aýyldarǵa tarap ketken. Olardyń da naqty sany men aýrý belgileri qazir anyqtalý ústinde eken.