Almaty oblysyndaǵy Esik qorǵanynan tabylǵan «Altyn adam» Máskeý qalasyndaǵy «Uly dala murasy: zergerlik óner jaýharlary» kórmesine qoıylady, dep habarlady Qamshy.kz aqparat agenttigi QR mádenıet jáne sport mınıstrliginiń baspasóz qyzmetine silteme jasaı otyryp.

Halyqtyq jáne sándik-qoldanbaly ónerdiń búkilreseılik mýzeıi Qazaqstan Respýblıkasy Ulttyq mýzeıimen birlesip uıymdastyryp jatqan kórme 3 sáýirde ashylady.   

«Rýhanı jańǵyrý» baǵdarlamasy aıasynda qurylǵan «Altyn adamnyń álem mýzeılerine sherýi» halyqaralyq jobasynyń maqsaty Eýrazıanyń Uly Dala beldeýiniń baı mádenı murasymen sheteldik qoǵamdastyqty tanystyrý bolyp tabylady.

Kórmeniń negizgi eksponaty – «Altyn adam» — Esik (Almaty oblysy) qorǵanynda tabylǵan jaýynger jasaǵy. Arheologtar «Altyn adamnyń» jerleý kamerasynnan barlyǵy 4800 áshekeı tapqan. Bul buryn-sońdy tabylǵan qorǵandar ishindegi Mysyr perǵaýyny Týtanhamonnyń qabirinen keıingi eń kóp altyn áshekeıler tabylǵan qorǵan sanalady.

Qazaqstan Respýblıkasy Ulttyq mýzeıiniń qorlarynan HİH ǵasyr men HH ǵasyrdyń ortasyna deıingi ýaqytqa jatatyn kúmisten jasalǵan áıelder áshekeıleri tanystyrylady.

«Altyn adamnyń álem mýzeılerine sherýi» halyqaralyq kórme jobasynyń marshrýtyna TMD, Azıa, Eýropa jáne Amerıka elderi kiredi.