«Astana» konsert zalynda (Kongres-holl) talantty ánshi, «Qazaqstan daýysy» jobasynyń jeńimpazy Muratbek Haıroldanyń «Qazaq darasy bizder» atty jeke án keshi ótedi, dep habarlaıdy Qamshy.kz aqparat agenttigi.

Muratbek Haırolda – án álemin dúr silkindirgen dara daýys ıesi. Jas daryn 2015 jyly «Qazaqstan daýysy» jobasynda oza shaýyp, júzdegen úmitkerdiń ishinen sýyrylyp shyqty. Mádenıet maıtalmandary Muratbektiń tabıǵı talantyn tap basyp tanyp, ónerin joǵary baǵalady. Kópshilik kórermen de qandasymyzdyń ánshilik qabiletine tánti bolyp daýys berdi. Sodan beri Muratbek Haırolda shyǵarmashylyǵyn shyńdap, qazaq estradasynda ózindik úni bar jeztańdaı ánshige aınaldy.

Muratbektiń án keshinde Baǵdat Sámedınova, Nurlan Alban, Roza Álqoja, Nurǵalı Turlybekov syndy qazaq estradasynyń jaryq juldyzdary óner kórsetedi.

Bastalýy 2017 jyldyń 8 sáýirinde, saǵat 17:00-de.

Kelińizder, kórińizder! Qapy qalmańyzdar!