1 sáýirde Qazaqstannyń basym bóligine antısıklon áser etedi, soǵan baılanysty jaýyn-shashynsyz aýa raıy saqtalady, dep habarlaıdy Qazgıdromet. 

Sınoptıkterdiń boljamyna sáıkes, tek elimizdiń ońtústik jáne ońtústik shyǵysta atmosferalyq aǵyndardyń ótýine baılanysty qubylmaly aýa raıy saqtalyp, jaýyn-shashyn (qar jáne jańbyr túrinde) túsedi. Ońtústiktiń keı jerlerinde qatty nóser jaýady.

Respýblıkanyń keı jerlerinde tuman, kóktaıǵaq, jeldiń kúsheıýi, ońtústikte daýyldy jel, naızaǵaı, burshaq kútiledi. Qyzylorda oblysynyń keı jerlerinde daýyldy jel, shańdy boran, jeldiń 15-20 m/s-ge kúsheıýi kútiledi, túnde keı jerlerde kóktaıǵaq bolady.

Jambyl, Ońtústik Qazaqstan oblystarynyń keı jerlerinde naızaǵaı jarqyldap, jeldiń ekpini 15-20 m/s-ge jetedi. Jambyl oblysynda tuman, kóktaıǵaq bolýy yqtımal.

Soltústik Qazaqstan, Shyǵys Qazaqstan oblystarynyń keı jerlerinde tuman, kóktaıǵaq, jeldiń jyldamdyǵy 15-20 m/s-ke kúsheıýi kútiledi, Shyǵys Qazaqstan oblysynyń keı jerlerinde burqasyn baqylanady. Qaraǵandy oblysynyń keı jerlerinde tuman túsedi.

Sondaı-aq, Aqmola, Mańǵystaý, Batys Qazaqstan, Qostanaı oblystarynyń keı jerlerinde de tuman kútiledi.