Jańa №48 mektep  Derkól kentiniń «Kókjıek» shaǵyn aýdanynda ornalasqan. 600 oqýshyǵa arnalǵan bilim berý nysanynyń qurylysy 2016 jyldyń qarasha aıynda bastalǵan edi. Jańa mekteptiń ashylý saltanatyna oblys ákimi Altaı Kólginov qatysty.

- Elbasynyń «Nurly jol» baǵdarlamasymen salynǵan jańa mektep – kópten kútken qýanysh. Bul jyl basynan beri paıdalanýǵa berilgen ekinshi mektep. Aldaǵy ýaqytta tek oblys ortalyǵynda emes, Bókeı Ordasy, Zelenov, Aqjaıyq, Terekti aýdandarynda mektepter salamyz. Elbasy bilim salasyna erekshe kóńil bólip keledi. Oblys boıynsha bul saladaǵy búdjet sońǵy úsh jylda 20 mlrd. teńgege kóbeıdi. Bıylǵy jylǵa da aýqymdy josparlarymyz bar. Muǵalimder jaǵdaıyna da memleket basshysy basa nazar aýdarýda. Osy oraıda jańa formatqa oqýǵa kóshken muǵalimderdiń jalaqysy kóbeıetin bolady. Oǵan qazir respýblıkadan tıisti qarajat kútip otyrmyz. Bastysy jyl saıyn bul baǵyttaǵy jumys jalǵasady. Ózderińiz bilesizder, buǵan deıin oqýshylar №12 mektepte oqydy. Oryn bolmady. Endi bul shaǵynaýdannyń oqýshylary óz mektebinde oqıtyn bolady. Bul aýdanǵa sý berildi, gaz keldi,  jol da jaqsaryp keledi. Bunyń bári - ekonomıkamyzdyń damýynyń kórsetkishi, - dedi A.Kólginov.

Jalpy aýmaǵy 8,5 myń sharshy metr mektep ǵımaratynda 56 kabınet bar. Sonymen qatar 25 oqyrmanǵa kitaphana, 2 sheberhana, barlyq quraldarymen jabdyqtalǵan sport zaly, 200 oryndyq májilis zaly, radıotorap kabıneti, 130 orynǵa arnalǵan mektep asqanasy salynǵan. Barlyq kabınetter proektilik ekranmen jabdyqtalǵan.

Mektepke 500 oqýshy, shaǵyn ortalyqqa 100 oqýshy qabyldanbaq.

Aıta keteıik, joba quny - 1 255,609 mln. teńge.

Sondaı-aq, oblys ákimi osy jańa shaǵyn aýdanǵa bıyldan bastap jol salynatynyn, bir jylda bitpese de jumysty sapaly atqaratyn merdiger izdeıtinderi jaıly aıtty.

Qurylysty júrgizgen merdiger kompanıanyń basshysy Sergeı Potıchenko jańa mekteptiń dırektoryna sımvolıkalyq kiltti saltanatpen tabystady.

Alty bloktan turatyn mektep ǵımaratynda 56 kabınet bar. Bastaýysh synyptar men pándik kabınetterden bólek hımıa, bıologıa, fızıka laboratorıalary, tórt mýltımedıalyq jáne alǵashqy áskerı daıyndyq kabıneti daıyndalǵan. Jıyrma bes oqyrmanǵa arnalǵan oqý zaly bar kitaphana, 2 sheberhana, 2 sport zal, 200 oryndyq akt zaly men 130 oryndyq asqanasy bar. Jeti kabınet ınteraktıvti taqtamen jabdyqtalsa, mektep radıosy úshin de bólme arnalǵan. Odan bólek psıholog, logoped jáne medqyzmetkerge de arnaıy kabınetter qarastyrylǵan. Mektepte ónerli balalarǵa arnalǵan «Shabyt» ortalyǵy da jumys jasamaq.

Mektep 500 balany qabyldap, 25 synyp ashylmaq. Sondaı-aq, mektep janynan 100 balaǵa shaǵyn ortalyq jumys jasaıtyn bolady.

Foto: Aleksandr Kýprıenko