2 sáýir – aýtıstıkalyq spektr aýytqýlary bar balalardy qoldaý kúni. Osyǵan oraı Qazaqstanda aýtızm dıagnozy bar balalarǵa alǵash ret kınoteatrda fılm kórsetildi.

Bul fılmniń ereksheligi – ekrannyń jaryǵy men dybysyn basyp kórsetý. Sonymen qatar, aýtızmi bar balalar tez sharshaıtyndyqtan olarǵa arnaıy demalys bólmesi ázirlendi. Fılmniń kórsetilimi jaıynda «Bolashaq» korporatıvtik qorynyń baspasóz hatshysy Áıgerim Arǵymbaeva aıtyp berdi.

«Dısneı Lend kompanıasy aýtızmi bar balalardy qoldaý úshin dúnıejúzi boıynsha óz fılmderin balalarǵa kórýge yńǵaıly qylyp arnaıy erekshelikter qosty. Mysaly, basqa balalar kórip júrgen «Kokonyń qupıasy» múltfılminiń ekrandaǵy jaryǵyn qarańǵylatyp, dybysyn basty. Ótken jyly Máskeýdegi aýtızmi bar balalarǵa kórsetildi. Bıyl bizdiń elimizde alǵash ret osyndaı erekshi naýqan ótip jatyr», - dedi ol.

Áıgerim Arǵymbaevanyń aıtýynsha, balalar úshin fılmdi kórsetý barysynda ózgeris engizý qıyn bolmaǵan.

«Kerýen» saýda ortalyǵynda ornalasqan Kinopark kompanıasynyń mamandaryna nusqaýlyq júrgizdik. Iaǵnı, aýtızmi bar balalar kıno kórgen kezde qandaı qıyndyqtar bolady, qandaı kómek kórsetý kerektigin túsindirdik. Aıtarlyqtaı problema bolmady. Olar balalar úshin bárine daıyn ekenin kórsetti. Sondyqtan elimizde alǵash ret ótip jatqan fılm kórsetilimin qoldaǵandarǵa alǵys bildiremiz», - dedi ol.

Qazirgi tańda Astananyń úsh mektebinde - №40, 71, 83 mektebinde ınklúzıvti bilim berý qolǵa alynyp, qaladaǵy 120-dan astam bala ózge balalarmen birdeı bilim alyp jatyr.

Keshe Astanada aýtızm máselesin aqparattyq taratýǵa arnalǵan naýqan ótken bolatyn.