Almatyda aýtızmi bar balalardyń máselesi talqylandy.

«Mıloserdıe» qaıyrymdylyq qoǵamynyń «Aýtızmdi jeńemiz» ortalyǵy «Ashyq álem» qorymen birige otyryp, erekshe balalarǵa erekshe mereke uıymdastyrdy. Balalar teatr sabaǵyna, sporttyq sharalarǵa qatysyp, oıyn fleshmobyn uıymdastyrdy.

Mamandardyń aıtýynsha, aýtızmmen aýyratyn balalardyń qoǵamǵa beıimdelýi ortasyna tikeleı baılanysty. «Ashyq álem», qory keltirgen málimet boıynsha 2017 jyly 3820 adamda, onyń ishinde Almatyda - 799 adamda aýtızm belgileri anyqtalǵan.

«Sındromdy erte anyqtaý, ata-ananyń qoldaýy, oqytý óte mańyzdy. Bizdiń sanamyzǵa tóńkeris kerek. Sonda ǵana balalarymyz qoǵamǵa tez beıimdeletin bolady», - dedi ata-analar.

2008 jyldan beri 2 naýryzda BUU aýtızm aýrýyna shaldyqqandardyń kúnin atap ótedi. Álemde 67 mln asa adam aýtızm dertine shaldyqqan. Álemdegi Autism Speaks uıymynyń belgisi kók tústi pazl bólshegi bolyp tabylady.

2010 jyldan bastap «kók tústi jaq» marketıń aksıasy bastaý aldy. Búgin de Qazaqstannyń ár jerinde aýtızmmen aýyratyndardy qoldaý aksıasy júrip jatyr.

Aýtızmmen aýyratyn balalar bir sátke «akter» boldy. Erekshe búldirshinder sahnaǵa shyǵyp, ata-analaryna ónerlerin pash etti. Olar eshkimnen shimirkpesten án aıtyp, óleń shýmaqtaryn oqydy. Túrli keıipke enip, qoıylymdar qoıdy. «Aýtızmdi jeńemiz» jobasynyń jetkinshekterin Lermontov atyndaǵy teatr akterlary eki aı boıy daıyndaǵan.

«Alǵashynda balalar bir topta jumys isteı almady. Bir birinen jatyrqap, ashyla almady. Keıin ýaqyt óte kele, biz olardyń shyǵarmashylyq qabiletterin ashtyq. Qazir ózderińiz kórgendeı, búldirshinder kórermendermen jumys istep úırendi. Sahnada ózderin erkin ustaıtyn boldy. Ata-analar mundaı jetistikke jetetinimizge senbedi. Biraq nátıje jaman emes», - dedi M.Iý Lermontov atyndaǵy memlekettik akademıalyq orys drama teatrynyń aktery Raýf Habıbýllın.

Erekshe balalar sahnada óner kórsetýmen shektelgen joq. Jetkinshekterge arnap sporttyq oıyndar oınatyldy. Uıymdastyrýshylar aýtızmdi jeńýdiń jalǵyz joly - balalardy bir-birimen kóbirek oınatyp, shyǵarmashylyq jaǵyn damytý kerek deıdi.