Almaty polısıasy Forbes Kazakhstan jýrnaly men Ratel.kz saıty redaksıalarynyń tintilýine qatysty túsinikteme berdi, dep habarlaıdy QazAqparat.

Almaty ishki ister departamentiniń (İİD) aqparatyna qaraǵanda, 30 naýryz kúni K. esimdi azamattan eki ınternet portal qyzmetkerleriniń ústinen «kópe-kórineý jalǵan aqparat taratý» faktisi boıynsha aryz túsken. Bul fakt boıynsha Qylmystyq kodekstiń 274-baby 3-bólimi («Kópe-kórineý jalǵan aqpar taratý») boıynsha sotqa deıingi tergeý bastalǵan.

Departament tergeý qupıalyǵyna baılanysty basqa aqparat berýden bas tartqan.

2 sáýirde Almatyda polısıa Forbes Kazahstan jýrnaly men Ratel.kz saıty redaksıalaryna tintýge barǵany jáne jýrnal redaktorynyń orynbasary Aleksandr Vorotılovty, Ratel.kz bas redaktory Marat Ásipov pen onyń orynbasary Sapa Mekebaevty jáne jýrnalıs Anna Kalashınkovty alyp ketkeni habarlanǵan.

2017 jyly Almaty soty burynǵy qarjy mınıstri, bıznesmen Zeınolla Kákimjanov pen uly Ilhalıd Kákimjanovtyń paıdasyna Forbes Kazakhstan jáne Ratel.kz-ten 50 mıllıon teńge óndirip berý týraly sheshim shyǵarǵan.

Ratel.kz pen Forbes.kz jýrnalısik zertteýlerinde «Zeınolla Kákimjanovtyń sybaılas jemqorlyqqa qatysy bar» degen tujyrym jasaǵan. Sot sonymen qatar Forbes.kz saıty men onyń áleýmettik jelilerdegi akkaýnttarynan 10 maqalany joıýǵa jáne taǵy toǵyz maqalada keltirilgen málimetterdi teristeýge mindettegen. Ratel.kz saıty sot «shyndyqqa sáıkespeıdi» dep tapqan 13 maqalany joıyp, teristeýge mindetti bolǵan.

Sot sheshimimen kelispegen basylym jýrnalıseri oǵan shaǵymdanatynyn málimdegen. 30 naýryzda Almaty soty Ratel.kz saıtyn buǵattaý týraly sheshim shyǵarǵan.