Búgin Parlament Májilisiniń depýtattary Q.Jabaǵıev, A.Smaǵulov, S.Ótebaev, O.Shıshıgına Qaratal aýdany, Úshtóbe aýylyndaǵy «Tastóbe-Agrofýd» sút-taýarly fermasy men «Bastóbe servıs-tehnıkalyq kolejiniń jumysymen tanysty.

Kezdesýde halyq qalaýlylary Elbasynyń «5 áleýmettik bastamasy» týraly baıandap, talqylady.

 «Tastóbe AgroFýd» jaýapkershiligi shekteýli seriktestigi búginde 50 adamdy turaqty jumyspen qamtyp otyr. Qazirgi tańda Úshtóbe qalasynadaǵy sút óńdeý zavodyna kúnine 1500 tonna sút ótkiziledi, jyl sońyna deıin 7000 myń tonnaǵa jetkizilýi josparlanýda. Sút-taýarly fermada 90 bas sıyr, 120 bas qunjyn, 90 bas buzaý bar. Jobaǵa 400 mıllıon teńge ınvestısıa quıyldy. Aldaǵy ýaqytta osy maqsatta taǵy 200 mıllıon ınvestısıa tartylady dep josparlanýda», - deıdi ferma basshysy Shyńǵys Ahmetov.

Sút-taýarly ferma jumysymen tanysqannan keıin Májilis depýttary Bastóbe servıstik-tehnıkalyq kolejiniń oqytýshylar jáne stýdentterimen kezdesti.

Kolej dırektory Malıkjan Jamalbekovtyń aıtýynsha, bes negizgi mamandyq boıynsha barlyǵy  316 shákirt bilim alatyn kolejdiń materıaldyq-tehnıkalyq bazasy tolyǵymen jabdyqtalǵan.

Halyq qalaýlylary Qaratal aýdanynyń áleýmettik nysandaryn aralap qana qoımaı, Elbasynyń 5 áleýmettik bastamasynyń mańyzdylyǵy men qajettiligi týrasynda halyqtyń pikirin tyńdap, saýaldaryna jaýap berip, sheshilýi tıis túıtkildi máselelerdi nazarlaryna aldy.