Reseıde Qazaqstan turǵynyna qatysty qylmystyq is qozǵaldy. Ol óz balasyn 20 myń dollarǵa satqan dep kúdiktenip otyr. Bul týraly Reseıdiń Máskeý boıynsha Tergeý komıtetiniń baspasóz qyzmeti habarlady.

Tergeý derekterine sáıkes, 33 jastaǵy áıel 2017 jyldyń jeltoqsanynda áleýmettik jeli arqyly 2017 jylǵy sábıine asyrap alatyn ata-ana izdep júrgenin jarıalaǵan. Óz sábıin áıel 20 myń dollarǵa baǵalaǵan.

«2018 jyly 5 sáýirde áıel sábıin satý úshin Máskeýge keldi. Sábıdi satyp alýshylar rólin jedel qyzmet ókilderi atqarǵan. Áıel baladan bas tartatynyn jazyp, aqsha alý úshin máskeýlik bankke attanady. Sol jerde tártip saqshylarynyń qolyna túsedi», - delingen Reseı Tergeý komıtetiniń habarlamasynda.

Sábı qazir týystarynan jyraqta balalar úıinde jatyr. Balanyń ákesin ári týystaryn anyqtaý úshin Qazaqstannan quqyqtyq kómek suraldy. Jaqyn arada áıelge qatysty túrmege qamaý túrindegi shara qoldanylady. İske qatysty tergeý jumystary jalǵasyp jatyr.