Sınoptıkter aldaǵy úsh táýlikte artıkalyq sýyq fronpen baılanysty soltústik oblystarda ylǵaldy qar, túnde tuman jáne kóktaıǵaq bolýy múmkin ekenin eskerti, dep jazady Qamshy.kz aqparat agenttigi Qazgıdromet RMK resmı saıtyna jasaı otyryp.

"Qazaqstannyń soltústik aýdandarynda kezekti sıklon ornalasyp, elimizdiń barlyq oblystaryndaǵy aýa-raıyna áser etetin bolady. Aldaǵy úsh táýlikte artıkalyq sýyq fronpen baılanysty soltústik oblystarda ylǵaldy qar, túnde tuman jáne kóktaıǵaq kútiledi", - delingen habarlamada.

Sonymen qatar, elimizdiń ońtústik bóliginde jańbyr, keı jerlerde qatty naızaǵaı, ekpindi jel boljanady. Aýa temperatýrasynyń aýytqýy kútiledi: jaýyn-shashynmen tez tómendep, kún ashylǵanda shapshań joǵarylaı bastaıdy.

"8 sáýirde túnde Qyzylorda oblysynda, 10 sáýirde túnde Ońtústik Qazaqstan oblysynyń keı jerlerinde 2 gradýs úsik júrýi yqtımal. Yqtımaldyq 90-95 paıyz", - deıdi Qazgıdromet RMK ókilderi.

7-8 sáýirde Aqtóbe, Batys Qazaqstan, Qostanaı, Aqmola, Soltústik Qazaqstan, Pavlodar, Qaraǵandy jáne Shyǵys Qazaqstan oblystarynda aýa temperatýrasynyń joǵarylaýy jáne jaýyn-shashyn boljamyna baılanysty qardyń erýi, jergilikti aǵynnyń qalyptasýy, sý deńgeıiniń kóterilýine jáne sýdyń ózen jaıylmasyna shyǵýyna (sý basýǵa) baılanysty eskertý jarıalaǵan bolatyn. 

Sonymen qatar, Almaty, Jambyl, Ońtústik Qazaqstan oblystarynda jáne Almaty qalasynda jańbyr boljamyna baılanysty, keı jerlerde qatty, jergilikti jáne baýraıly aǵynnyń qalyptasýy, sý deńgeıleriniń kóterilýi jáne jaıylmalyq aýdandardy sý basýy kútiletinin eskertti.