Búgin QR Din isteri jáne azamattyq qoǵam mınıstri Darhan Káletaev Qazaqstan musylmandary dinı basqarmasynyń tóraǵasy, Bas múftı Serikbaı qajy Orazben kezdesti, dep jazady Qamshy.kz aqparat agenttigi QR Din isteri jáne azamattyq qoǵam mınıstrliginiń baspasóz qyzmetine silteme jasaı otyryp.

Kezdesý barysynda Din isteri jáne azamattyq qoǵam mınıstrligi men Qazaqstan musylmandary dinı basqarmasynyń arasyndaǵy yntymaqtastyq máseleleri talqylanyp, dinaralyq kelisimdi nyǵaıtý jáne azamattardyń ar-ojdan quqyqtaryn júzege asyrý máseleleri qaraldy.

Darhan Káletaev ımamdardyń, dintanýshylardyń jáne sarapshylardyń qatysýymen aqparattyq túsindirý jumystaryn jetildirý boıynsha birlesken jumysty jalǵastyrý qajettigin atap ótti.

Sonymen qatar, mınıstr din salasyndaǵy ǵalymdar men shyǵystanýshylardyń tarıhı murany jáne dástúrli ıslamnyń ulttyq mádenıetpen baılanysyn zertteýge arnalǵan arnaıy jumys tobynyń qyzmetine jáne memlekettik damýdyń zaıyrly prınsıpterine negizdelgen ıdeologıany qalyptastyrýdaǵy ıslam dininiń jaǵymdy rólin qalyptastyrý baǵytyndaǵy jumystarǵa qoldaý bildiretinin jetkizdi.

Al, Bas múftı Serikbaı qajy Oraz óz kezeginde Darhan Káletaevty mınıstr qyzmetine taǵaıyndalýymen quttyqtap, aldaǵy jumysyna tabys tiledi.

Kezdesý qorytyndysy boıynsha taraptar din salasyndaǵy memlekettik saıasatty júzege asyrýda tyǵyz yntymaqtastyqqa daıyn ekendikterin aıtty.