Memleket basshysynyń elimizde jańa turǵyn úı baǵdarlamasyn iske qosý týraly bastamasy naýryz aıyndaǵy eń basty oqıǵa boldy. Bul jumys isteıtin ár azamattyń baspanaǵa qol jetkizýine múmkindik berýge tıis. Osy jáne ózge de oqıǵalarǵa jaıynda Qamshy.kz aqparat agenttigi Kn.kz saıtynyń málimetine súıenip jazady.

1. Nesıe alýshylar bank komısıasynan jáne tólemdi keshiktirgeni úshin aıyppul tóleýden bosatylady

Bankterge nesıe bergende jáne shotqa qyzmet kórsetý kezinde komısıa ustap qalýǵa tyıym salý josparlanyp otyr. Bul jóninde ádilet mınıstri Marat Beketaev Májilis otyrysynda málimdegen bolatyn. Sonymen qatar bank shotyna aýdarylatyn qaryz ben bank shotyn júrgizýde komısıa alynbaıdy.

2. Elbasy «7-20-25» atty jańa turǵyn úı baǵdarlamasyn usyndy

Prezıdent Nursultan Nazarbaev «7-20-25» baǵdarlamasyn iske asyrý týraly usynys aıtty. Jumys isteıtin árbir qazaqstandyq osy baǵdarlamanyń aıasynda tıimdi sharttarmen ıpotekaǵa páter ala alady.

3. Aqpan aıynda Qazaqstandaǵy jańa ǵımarattardyń baǵasy ósti

Qystyń sońǵy aıynda jańadan salynǵan turǵyn úıler 0,2%-ǵa qymbattady. Alaıda tolyq jabdyqtalǵan nemese jabdyqtalmaǵan páterlerdi qaıta satý baǵasy ózgerissiz qaldy. Elıtaly turǵyn úılerdi qaıta satý baǵasy 0,1%-ǵa tómendegen. Statısıkalyq málimetterge sáıkes, 2017 jyldyń qańtar-aqpan aılaryna deıin bir jyldyń ishinde jańadan salynǵan páterlerdiń quny Astanada (+5,1%), Aqtóbede (+5,1%), Oralda (+2,3%) qymbattaǵan edi. Jyl boıynsha eń joǵary kórsetkish Taldyqorǵanda boldy (+56,8%). Bir jyldyń ishinde jańadan salynǵan turǵyn úıler Almatyda (-4,3%), Pavlodarda (-16,6%), Shymkentte (-2,6), Qostanaı men Kókshetaýda sáıkesinshe 1,2% ben 1,6%-ǵa deıin arzandaǵan.

4. Jańa «7-20-25» turǵyn úı baǵdarlamasy tórt kezeń boıynsha júzege asyrylady

Ulttyq bank «7-20-25. Árbir otbasyǵa baspanaly bolýǵa jańa múmkindik» baǵdarlamasyn júzege asyrýǵa kirisip ketti. Jańa baǵdarlama Elbasynyń bes áleýmettik bastamasy aıasynda júzege asyrylyp, turǵyn úı ıpotekasynyń qoljetimdi bolýyna basa nazar aýdarady. Danıar Aqyshev bul baǵdarlamany iske asyrý kezinde eń aldymen buǵan deıingi baǵdarlamalardyń tájirıbesine kóńil aýdarý qajettigin atap ótti.

5. Jańa turǵyn úı baǵdarlamasy boıynsha osy jyldyń ekinshi jartysynan bastap nesıe beriletin bolady

QR Ulttyq banki tóraǵasynyń orynbasary Oleg Smolákovtyń aıtýynsha, baǵdarlamanyń negizgi baǵyttary Prezıdenttiń bes áleýmettik bastamasynyń aıasynda iske qosylady. «7-20-25» baǵdarlamasy boıynsha nesıeniń ústeme paıyzy jylyna 7% bolady, alǵashqy jarna somanyń 20%-nan aspaýǵa tıis, al nesıeniń beriletin merzimi 25 jylǵa deıin bolmaq.

6. Jańa qurylys materıaldaryna synaq júrgizildi

Qazaqstan aýmaǵynda qoldanylatyn qurylys materıaldaryna synaq júrgizildi. Zertteý jumystary Qazaq qurylys jáne sáýlet ǵylymı-zertteý ınstıtýtynyń zerthanasynda ótti. Synaq kezinde dirildeýish kólikter arqyly ǵımarattyń bir bóligi terbelisti kúıge keltirildi jáne 9 baldyq jer silkinisine teń dınamıkalyq salmaq túsirildi.

7. Qalalyq kadastr sáýlet jáne qurylys jumystarynda ashyqtyqty qamtamasyz etedi

Qazaqstanda qurylys ındýstrıasyn sıfrlandyrý sheńberinde memlekettik qalalyq kadastr qurylýda. Ol sáýlet jáne qurylys jumystarynda ashyqtyqty qamtamasyz etedi, ınfraqurylymnyń qoljetimdigi, ınjenerlik komýnıkasıalarǵa qosylý múmkindikteri týraly halyqqa jáne bızneske qajetti aqparatty usynýǵa múmkindik beredi. Qalalyq kadastr jerdiń betinde jáne jerdiń astyndaǵy barlyq jyljymaıtyn múlik pen ınfraqurylym obektileri týraly biryńǵaı aqparat júıesin usynady.

8. Barlyq ıpotekalyq nesıeni teńgege aýystyrady

QR Ulttyq bank basqarmasy 2015 jyldyń sáýir aıynda qabyldanǵan Ipotekalyq nesıeni qaıta qarjylandyrý baǵdarlamasyna engizilgen ózgerister men tolyqtyrýlardy bekitti. Danıar Aqyshevtiń aıtýynsha, ózgertýler men tolyqtyrýlar eki bloktan turady. Birinshi blok 2016 jylǵy 1 qańtarǵa deıin usynylǵan halyqtyń ıpotekalyq turǵyn úı nesıeleri boıynsha máselelerdi túpkilikti sheshýge baǵyttalǵan. Osy baǵdarlamany iske asyrý nátıjesinde turǵyndardyń jáne basqa da jyljymaıtyn múliktiń kepildigi bar tulǵalardyń barlyq shetel valútasyndaǵy ıpotekalyq nesıeleri teńgege aýystyrylady.

9. Turǵyn úıdi paıdalanýǵa berý qarqyny tómendedi

2018 jyldyń qańtar-aqpan aılarynda Qazaqstan boıynsha 1,9 mln sharshy metr turǵyn úı paıdalanýǵa berilgen, bul byltyrǵymen salystyrǵanda 17,6%-ǵa kem. Ótken jyldyń alǵashqy eki aıyndaǵy kórsetkish 2016 jylmen salystyrǵanda 44,7%-ǵa deıin ósken. Turǵyn úı qurylysynyń qarqyny 2013 jyldan tómendeı bastaǵan.

10. Qaraǵandy oblysynda buzylǵan úılerdi qalpyna keltire bastaıdy

Qaraǵandy oblysyndaǵy qıraǵan úılerdi qalypqa keltirý úshin oblysqa kásipkerlerdi tartý kózdelgen. Bılik ókilderi «Rýhanı jańǵyrý» baǵdarlamasy boıynsha turǵyn úılerdi salý jáne qıraǵan úılerdi qalpyna keltirýge qarjy jumsaýǵa daıyn ınvestorlarmen kezdesip, kelissózder júrgizetin bolady. Buzylǵan úılerde turatyn turǵyndardy jaǵdaıy jaqsy úılerge kóshirý qolǵa alynady, al eski ǵımarattar jóndeledi nemese ornyna basqa turǵyn úıler salynatyn bolady. Apatty jaǵdaıdaǵy turǵyn úılerdiń kópshiligi Jezqazǵanda ornalasqan, 28 turǵyn úıdiń 16-sy qaıtadan qalypqa keltirýge jaramaıdy.