Almatyda shetelde bilim alý múmkindikteri týraly brıfıń ótti

/uploads/thumbnail/20180411132456981_small.jpg

Búgin Almaty qalasynyń Óńirlik komýnıkasıalar qyzmeti alańynda shetelde bilim alý múmkindikteri jáne «Bolashaq» halyqaralyq stıpendıasyna qujattardy qabyldaý qaǵıdalaryna jáne qujattardy tapsyrý tártibine engizilgen ózgerister jóninde brıfıń ótti dep jazady Qamshy.kz aqparat agenttigi. Brıfıńke «Halyqaralyq baǵdarlamalar ortalyǵy» AQ ókili Nurmanov Altaı Nurlanuly qatysty.

Altaı Nurlanulynyń bergen aqparatyna súıensek, «Bolashaq» halyqaralyq stıpendıasy Qazaqstan Respýblıkasy Prezıdenti Nursultan Nazarbaevtyń 1993 jylǵy 5 qarashadaǵy Jarlyǵymen qurylǵan.

Baǵdarlama maqsaty – el ekonomıkasynyń basym sektorlary úshin kadrlar men mamandardy daıarlaý. Baǵdarlamanyń iske asyrylǵan ýaqyty ishinde stıpendıa Qazaqstannyń 12 myńnan astam azamatyna taǵaıyndaldy, 10 000 maman daıarlandy. Qazirgi kezde 1053 stıpendıat oqý ústinde.

Sonymen qatar, «Halyqaralyq baǵdarlamalar ortalyǵy» AQ qazaqstandyq joǵary oqý oryndaryn ınternasıonaldandyrýmen jáne úkimet aralyq kelisimderdi iske asyrýmen aınalasydy.

Búgingi kúni Polsha, Malaızıa, Reseı jáne basqa elderdiń joǵary oqý oryndarynda oqý úshin qujattardy qabyldaý jalǵasýda.

Aǵymdaǵy jylda «Bolashaq» baǵdarlamasyna kelesi ózgertýler engizildi:

- sheteldik jetekshi joǵary oqý oryndaryna óz betinshe túsken tulǵalar úshin dıplomnyń ortasha balyna qoıylatyn talap 3,0 balǵa deıin tómendetildi;

- taǵylymdamadan ótý úshin «Ǵylymı qyzmetkerler», «Astana» halyqaralyq qarjy ortalyǵyn qurýǵa qatysty sot, prokýratýra, qarjy sektory qyzmetkerleri» jáne «Aqparattyq (kıber) qaýipsizdik» sanattary belgilendi.

Sondaı-aq, úkimetaralyq kelisimder negizinde shet memleketter Qazaqstan azamattaryna 10 000 grant usynýda, qazirgi ýaqytta olardyń kóbisine qujattar qabyldaý júrgizilýde.

2018 jylǵy 23 sáýirden 15 mamyrǵa deıin Astana, Almaty, Aqtaý, Jezqazǵan, Qyzylorda, Taraz jáne Shymkent qalalarynda Reseı joǵary oqý oryndarynda oqýǵa arnalǵan búdjettik oryndarǵa qabyldaý emtıhandary ótkiziledi, - dep sózin túıindedi Altaı Nurmanov.

Reseıde bilim alýdyń artyqshylyqtary:

Geografıalyq ornalasýy

Tildik barerdiń joqtyǵy

Sapaly bilim

Álem boıynsha baǵalanatyn jáne tanylatyn dıplom

Halyqaralyq baılanystar

Stýdentterge jeńildikter:

Tegin bilim alý;

Jataqhana;

Qoǵamdyq kólikpen júrý;