Respýblıkaǵa tanymal qoǵam qaıratkeri, belgili jýrnalıs Rysbek Sársenbaıulynyń inisi – Rymbek Sársenbaıuly ómirden ozdy. Marqum kóp jyldardan beri «Jas Alash» gazetinde jumys istegen. Táýelsiz basylymnyń ystyq-sýyǵyna kúıip, úzdiksiz jarıalanyp turýyna bir kisideı atsalysqan azamat Sársenbaevtar áýletindegi Altekeńnen keıin ómirge kelgen ul edi. 54 jasynda mezgilsiz qaıtys boldy.

Jaratqannyń isine shara bar ma, Altekeń qastandyqpen óltirilgennen keıin bul áýlet qaıǵy-qasiretti az kórgen joq. Atanyń emes, Alashtyń ulyna aınalǵan asyl perzentiniń oqys qazasyn ata-anasynyń júregi kótere almaǵan edi. Endi Rymbek baýyrymyz da Altekeńniń artynan ilesti...

Qaıǵy men qasirettiń, qastyq pen qysastyqtyń san túrin kórse de, altyn basyn eńkeıtpeı kele jatqan Rysbek aǵaǵa jáne Sársenbaevtar áýletine qaıǵyra kóńil aıtamyz! «Qaıǵyny bólisse, azaıady» deıdi. Aǵa, taǵdyrdyń Sizge kórsetken aýyr synaǵy bizdiń de qabyrǵamyzdy qaıystyrdy. Marqumnyń ımany joldas, topyraǵy torqa  bolsyn! Bul jalǵyz Sizge emes, Sizdi aqıqatshyl jýrnalıs, halyqshyl tulǵa, el men jerdi shynaıy súıetin azamat retinde tanyǵan, moıyndaǵan  kópshilikke ortaq qaıǵy. Bekem bolyńyz!

Marqumnyń týǵan-týystaryna kóńil aıtýǵa nıetti aǵaıynǵa qulaqqaǵys:

Búgin, 11 sáýir kúni Zataevıch №31 kóshesindegi «Dılnaz» kafesinde saǵat 19.00-de qonaqasy beriledi. Erteń saǵat 11.00-de janazasy. Shashkın kóshesi №40 (ál-Farabıden joǵary).

«Qamshy» aqparattyq portalynyń  ujymy