Zamanaýı jyraý Jan Ahmadıev «Gakku» arnasyn sotqa bermek dep jazady Qamshy.kz aqparat agenttigi.
Osydan biraz ýaqyt buryn «jezókshelerdi sabaý kerek» dep óz áıelin qamshymen urǵan reper jeke basynyń quqyǵyn taptaǵan jýrnalısen resmı túrde keshirim suraýyn talap etti. Keshirim suramaǵan jaǵdaıda arnany sotqa beretinin jetkizdi.
«Kúni keshe atyshýly vıdeoma baılanysty túrli pikiriler aıtyldy. Dattaıtyndar da, jaqtaıtyndar da tabyldy. Alaıda sol dattaǵandardyń arasynda ulttyq mýzykalyq «Gakku» arnasy da bar. Mynalaryńyz uıat endi. «Gakku» arnasyndaǵy «Uıat Parade» baǵdarlamasynyń júrgizýshisi Nurjan Erkinuly jeke basymnyń quqyǵyn taptap, meni múgedek dep atady. Arna mamandarynyń kásibı deńgeıin baıqap qoıdym. Arnanyń deńgeıi osynshalyqty tómen túsedi dep oılamappyn. Sondyqtan baǵdarlamanyń júrgizýshisi Nurjan Erkinulynyń menen keshirim suraýyn talap etemin. Olaı etpegen jaǵdaıda sotqa berýge májbúrmin», – deıdi Ahmadıev.
Sonymen birge ol óziniń ınstagram paraqshasyna «Aıtylǵan sóz – atylǵan oq!!! Sózderińizge jaýap berýge daıynsyzdar ma?» – dep jazdy.
Aıta keteıik, «Gakku» arnasyndaǵy «Uıat Parade» baǵdarlamasynyń júrgizýshisi: «Jan Ahmadıevtiń atyn aıtsam, qusqym keledi. Zaman damyǵan ýaqytta pıar úshin qyzdardy qamshymen qýyp júr. Shyndyǵynda, beınebaıannyń tolyq nusqasyn kórseńiz, Jannyń klıp túsirmeı turyp sol jeńil júristi qyzdarǵa ózi baryp, sóılesip júrgenin kórýge bolady», – dep synaǵan.
