Astana qalasynyń İİD Jergilikti polısıa qyzmetiniń tabıǵatty qorǵaý polısıasynyń qyzmetkerleri stıhıalyq qoqys qaldyqtaryn tógýge jol berilmeýge  baǵyttalǵan is-sharalardy kúndelikti júrgizip otyrady, dep habarlaıdy Qamshy.kz aqparat agenttigi İİD JPQ baspasóz qyzmetine silteme jasap. 

Osy maqsatta qoqys qaldyqtary kóptep  tógiletin jerlerge tekserister júrgizilýde. Turǵyndar arasynda ákimshilik zańnamany buzǵan úshin beriletin jaýapkershilik týraly túsindirý jumystary turǵylyqty túrde júrgizilip otyrady.

Osy jyldyń 9 sáýirinde Astana qalasy İİD JPQ tabıǵatty qorǵaý polısıasy qyzmetkerleri  Ilınka kentinde ıaǵnı Qorǵaljyn tas joly kóshesi boıynda belgilenbegen orynda qurylys qoqystaryn tastaǵan «Kamaz» markaly avtokóliginiń júrgizýshisi, 1968 jyly týylǵan A. esimdi azamat ustaldy. 

Quqyq buzýshy QR ÁQBtK-niń 505 baby «Qalalar men eldi mekenderdiń aýmaqtaryn abattandyrý qaǵıdalaryn buzý…»  boıynsha ákimshilik jaýapkershilikke tartylyp, 30 AEK (72 150 teńge) kóleminde aıyppul  salyndy. 

Jalpy 2018 jyldyń basynan beri belgilenbegen orynda qoqys qaldyqtaryn, qardy shyǵaryp, las suıyqtyqty tókken 156 júrgizýshi jaýapkershilikke tartyldy. Salynǵan aıyppuldyń jalpy somasy shamamen 3 mln 870 myń teńgeden astam.