«7-20-25» ıpotekalyq baǵdarlamasyna 2018 jyldyń mamyrynan bastap Qazaqstannyń turaqty tabysy bar barlyq azamaty qatysa alady. Bul týraly Ulttyq bank tóraǵasy Danıar Aqyshev málimdedi.

Jańa baǵdarlamaǵa sáıkes, nesıe ósiminiń mólsherlemesi jylyna – 7 paıyzdan, bastapqy jarnasy – 20 aspaıdy aspaıdy. Al nesıe merzimi – 25 jyl.

«Ipotekalyq baǵdarlama jańa turǵyn úılerge eseptelgen. Bolashaqta baǵdarlamaǵa ekinshi deńgeıli turǵyn úılerdi de engizý múmkindigi qaralmaq. Ár oblysta baspana baǵasy ártúrli bolǵandyqtan, ıpotekalyq qaryzdyń maksımaldy mólsheri óńirge baılanysty saralanady», - dedi Danıar Aqyshev.

Ulttyq bank tóraǵasynyń aıtýynsha, baǵdarlamaǵa sáıkes ıpotekalyq turǵyn úı qaryzy tek teńgemen beriledi. Al bankter ıpotekalyq zaımdy alý jáne qyzmet kórsetý kezinde eshqandaı komısıa almaıdy.

Aıta keteıik, 2018 jyldyń 5 naýryzynda Qazaqstan Prezıdenti Nursultan Nazarbaevtyń «Prezıdenttiń bes áleýmettik bastamasy» atty halyqqa úndeýi jarıalandy. Ondaǵy «7-20-25» baǵdarlamasyn Elbasy qazaqstandyqtardyń baspana alý múmkindikterin keńeıtý úshin jasalǵanyn aıtyp ótken.