Abylaı han atyndaǵy Qazaq halyqaralyq qatynastar jáne álem tilderi ýnıversıtetinde oqyǵan 19 jastaǵy stýdent qyzdyń óli denesi Almatydaǵy taýdan tabylǵan.

«Jasy nebári 19-da edi. Darıa aýdarmashy bolýdy armandaǵan. Sol kúni úıden ýnıversıtetke asyǵys shyǵyp ketti. Biraq grýppalastary onyń sabaqqa qatyspaǵanyn aıtty. 7 sáýirde qyzdyń óli denesi taýdan tabyldy. Ony óltirip ketkeni anyq», - dep jazdy Darıanyń qurbysy Meıramgúl Isataı áleýmettik jelidegi paraqshasyna.

Almaty qalasy İİD deregine sáıkes, stýdent qyz ózine qol jumsaǵan.

«Qazirgi ýaqytta tergeý jumystary júrip jatyr. Derekter qyzdyń ózin-ózi óltirgenin aıǵaqtaıdy», - dedi Almaty İİD-niń resmı ókili Saltanat Ázirbek.

Aıta keteıik, Darıa 5 sáýirde joǵalyp ketken. Úıinen ýnıversıtetke dep shyqqan boıjetken sol kúıi sabaǵyna barmaǵan, úıine de qaıtpaǵan.