Búgin Qazaqstannyń basym bóliginde aýa raıy jaýyn-shashynsyz bolady, dep jazady Qamshy.kz aqparat agenttigi. Respýblıkanyń soltústik, soltústik-batys jáne ortalyq óńirinde ǵana atmosferalyq fronttardyń ótýine baılanysty  jańbyr jaýady. Keı jerlerde jel kúsheıip, tuman, kóktaıǵaq kútiledi.

Bul týraly QR İİM TJK baspasóz qyzmeti habarlaıdy. Almaty oblysynyń keı jerlerinde jeldiń jyldamdyǵy 17-22 m/s-ǵa jetip, Jalańashkól aýdanynda ekpini 27 m/s-ǵa deıin kúsheıedi. Túngi ýaqytta tuman túsedi.  Qostanaı, Soltústik Qazaqstan oblystarynyń keı jerlerinde tuman túsip, kóktaıǵaq bolady, jeldiń jyldamdyǵy 15-20 m/s-ǵa deıin kúsheıedi.

Ońtústik Qazaqstan, Atyraý, Pavlodar, Shyǵys Qazaqstan, kúndiz Aqtóbe, Qaraǵandy oblystarynyń keı jerlerinde jeldiń kúshi 15-20, Shyǵys Qazaqstan oblysynda ekpini 25 m/s-ǵa deıin jetedi. Aqmola oblysynyń keı jerlerinde tuman túsip, jeldiń jyldamdyǵy 15-20 m/s bolady. Qyzylorda oblysynyń keı jerlerinde kúndiz kóktaıǵaq, jeldiń jyldamdyǵy 15-20 m/s bolady.  Mańǵystaý, Batys Qazaqstan oblystarynyń keı jerlerinde tuman kútiledi. Túnde Almaty oblysynyń keı jerlerinde 2 gradýsqa deıin úsik saqtalady.