«Annual Investment Meeting» (AIM) jyl saıynǵy VIII ınvestısıalyq forýmy aıasynda «Kazakh Invest» ulttyq kompanıasy Dýbaıda iri arab jáne halyqaralyq kompanıalarynyń ókilderimen birqatar kezdesýler ótkizdi.
Atap aıtqanda, «Kazakh Invest» «General Electric», «Al Ahli Holding Group», «Al Nowais Investments», «KAAF Investments», «Loukil Group», «Phoenix Global DMCC», «Royal International Group» kompanıalar tobymen, «Kanoo Group», «Petromal» jáne basqalary sıaqty ǵalamdyq oıynshylarmen kelisózder júrgizilip, kelisimge qol jetkizildi.
Sonymen qatar BAÁ Ekonomıka mınıstrligimen, BAÁ Halyqaralyq ınvestorlar keńesimen (MUBADALA, DP World, Emaar, Etisalat, Borouge sıaqty iri kompanıalar jáne basqalary múshe bolyp tabylatyn), Abý- Dabı Ekonomıkalyq damý departamenti,«Fujairah Free Zone» SEA jáne «Shurooq» Sharja ámirliginiń Investısıalar jáne damý agentttigimen kelissózder sátti júrgizildi.
Sondaı-aq AIM plenarlyq sesıasynda «Kazakh Invest» basqarmasynyń tóraǵasy Saparbek Tuıaqbaev Qazaqstan Respýblıkasynyń ınvestısıalyq múmkindikterin, onyń ishinde, Qazaqstan Respýblıkasynyń ekonomıkasyna ınvestısıa tartý salasyndaǵy ındýstrıaldy-ınnovasıalyq qyzmetti memlekettik qoldaý quraldaryn kórsetti.
Investısıa tartý salasyndaǵy eki jaqty ózara qarym-qatynasty damytý úshin AIM alańynda «Kazakh Invest» pen «Annual Investment Meeting» arasynda Yntymaqtastyq týraly kelisimge qol qoıyldy.
Kezdesý nátıjesinde transulttyq kompanıalar Qazaqstan Respýblıkasy ekonomıkasynyń basym salalaryndaǵy birqatar ınvestısıalyq jobalarǵa áleýetti qyzyǵýshylyǵyn kórsetti.
Kezdesý nátıjesinde «Kazakh Invest» BAÁ men Qazaqstan Respýblıkasy bıznes qaýymdastyqtarynyń ınvestısıa tartý, ınvestısıalyq jobalardy qostaý jáne iske asyrý máseleleri boıynsha eki jaqty ózara qarym-qatynasty úılestirýdi josparlap otyr.
Annual Investment Meeting (AIM) álemdegi halyqaralyq ınvestısıalyq qaýymdastyqtyń dıalogtyq alańy retindegi eń tanymal, iri, jyl saıynǵy ınvestısıalyq konferensıa bolyp tabylady.Investısıalyq konferensıa baǵdarlamasy sıfrleý, 4.0 ındýstrıa, ınvestısıa tartý boıynsha memlekettik-jeke seriktestik jáne álemdik strategıa turǵysyndaǵy taqyryptardaǵy birqatar plenarlyq sesıalardy qamtıdy.
