Qaraǵandy oblysynda kásipker bútin bir aýyldy satýǵa qoıdy, aýyldyq ákimdiktiń ǵımaraty da JSHS qojaıynyna tıesili, dep habarlaıdy Qamshy.kz aqparat agenttigi Today.kz saıtynyń deregin negizge alyp. 

Qaraǵandy oblysy, Osakarov aýdany, Shuńqyrkól aýylyn satatyny týraly habarlamany kásipker Instagram áleýmettik jelisine ilgen. 

«Aýyldaǵy nysandardyń memlekettik emes ekendigin jergilikti ákimdikten bildik. Bizdiń aýyldyń qojaıyny bir fermer eken. Aýyldyq mádenıet úıi, aýyl ishindegi joldar, jaıylym, tipti ákimdik ǵımaratyna deıin sonyń menshiginde», – deıdi Shuńqyrkól aýylynyń turǵyny Baqytjan Nurpeıisov. 

Aýyl turǵyndary bul habarǵa ań-tań bolyp otyrǵandaryn aıtty. 

«Bútin bir aýyl jeke tulǵaǵa tıesili degen qalaı? Ákimdik ǵımaratty bıznesmennen qalaı jalǵa alyp otyr? Turǵyny bar, úıi bar, maly bar aýyldy satýǵa bola ma? Bul 17 myń gektar jer», – deıdi aýyl turǵyny. 

Osakarov aýdanynyń ákimdigi ákimniń birinshi jáne ekinshi orynbasarlary jınalysta ekenin aıtyp, keıinirek pikir bildiretinderin jetkizdi. Aýdandyq ákimdik JSHS ıesiniń jol jóndep, kásiporyn ashyp, aýyl turǵyndaryna jumys taýyp berý úshin ınvestor izdep jatqanyn da aıtty. 

Qaraǵandy oblysynyń baspasóz qyzmeti de atalǵan jaıtqa baılanysty pikirdi keıinirek beretinderin habarlady. 

Shuńqyrkól aýylynda 587 adam turady.