Onyń sózinshe, qıyndyqqa ushyrap otyrǵan etnıkalyq qazaqtar Qazaqstanǵa kelip, oralman mártebesin alǵan. Biraq Qytaıda turaqty tirkeýden shyqpaı, sol eldiń jeńildikterin alyp kelgen.

— Olar turaqty tirkeýden shyqpaǵanyna baılanysty qamalyp otyr. Sebebi olar turaqty tirkeýden shyqpaǵandyqtan qosymsha áleýmettik tólemderdi alyp otyrǵan. Sol sebepti jergilikti bılik buǵan tyıym salyp otyr. Sondyqtan biz jeńildikter jasaǵanda ony jan-jaqty qarap, Qytaıdyń talaptaryna qaıshy kelmeıtindeı jasaýymyz kerek. Bul másele boıynsha Qytaı úkimetimen kelissóz ótkizip jatyrmyz. Men erteń ózim Úrimjige shyǵamyn. Sol jaqtaǵy qazaq dıasporasynyń máselelerin talqylaýǵa baramyn,- dedi Muhtar Tileýberdi.

Qytaıdaǵy etnıkalyq qazaqtardyń jappaı qysymǵa ushyraǵany týraly aqparattar 2017 jyldyń sáýirinen taraı bastaǵan. Shyńjańda ustalǵandar arasynda Qytaıdan tarıhı Otanyna oralyp, Qazaqstan azamattyǵyna ıe bolǵandar da bar.

Buǵan deıin Qytaıdan kelgen oralmandar Almatyda týystaryn Qytaıda zańsyz ustap otyrǵanyna narazylyq tanytyp, ákimdikten beıbit sherýge ruqsat suraǵan.