Shyǵys Qazaqstan oblysynyń ákimi Danıal Ahmetov Rıdder qalasy ákimi orynbasarynyń jas jigitti qaǵyp ketýine qatysty túsinikteme berdi, dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

«Bul shynymen de qaıǵyly jaǵdaı. Keshe ol (Rıdder ákiminiń orynbasary –avtor eskertp.) qamaýǵa alyndy. Búgin bizdiń quqyq qorǵaý organdary tıisti prosedýrany jalǵastyryp jatyr. Marqumnyń ata-anasyna kóńil aıtyp, keshirim suradyq. Endi sot tergeýiniń aıaqtalǵanyn kútemi», — dedi Ahmetov úkimet otyrysynan keıin. 

Ákim óz tapsyrmasy boıynsha ashyq tergeý júrip jatqanyn atap ótti. 

Eske salyp ótsek, Rıdder ákiminiń orynbasary 19 jastaǵy jigitti kóligimen qaǵyp óltirdi. Jol-kólik oqıǵasy kezinde 45 jastaǵy júrgizýshi mas bolǵan. 

Qazir sheneýnik ýaqytshy ustaý abaqtysynda otyr, QR Qylmystyq kodeksiniń 345-baby 3-bóligi boıynsha qylmystyq is qozǵaldy.