Mundaı derekterdi Óńirlik komýnıkasıalar qyzmetinde ótken brıfıńte QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń jurtshylyqpen baılanys jónindegi departamentiniń dırektory Berdalın Arman Tilektesuly, Sybaılas jemqorlyqqa qarsy strategıanyń oryndalýyn baqylaý boıynsha respýblıkalyq arnaıy monıtorıńtik toptyń múshesi  Dýambekov Musaǵalı Sársenbaıuly, Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń basshysy Nálibaev Maqsut Ybraıhanuly,  Sybaılas jemqorlyqqa qarsy is-qımyl Ulttyq Búrosynyń Jambyl oblysy boıynsha Departament basshysynyń orynbasary Rahımov Arman Tastemiruly aıtty.

QR Memlekettik qyzmet isteri jáne sybaılas jemqorlyqqa qarsy is-qımyla agenttiginiń Jambyl oblysy boıynsha Departamentimen Shý aýdany ákimdiginiń aýyl sharýashylyǵy bóliminiń qyzmetine júrgizilgen sybaılas jemqorlyq táýekelderine taldaý júrgizý kezinde múddeler qaqtyǵysy anyqtaldy.

Atap aıtqanda, taldaý barysynda, Shý aýdany aýyl sharýashylyǵynyń bólim basshysy S.Seıdahmetov, tek 2014-2016 jylǵy aralyqta "Bektibaı", "Bektibaı-1", "Samat", "Erkin"sharýa qojalyqtaryna janar-jaǵar maı shyǵyndaryna sýbsıdıa kólemi 159 910 000teńgeni quraıtyn sýbsıdıa bólip, Shý aýdany boıynsha osy baǵyttaǵy eń iri sýbsıdıalar alýshylardyń biri ekendigi anyqtaldy.

Sondaı-aq, sýbsıdıa alǵan aýyl sharýashylyǵy taýaryn óndirýshilerdiń biri bolyp tabylatyn "Bektibaı", "Bektibaı-1", "Samat", "Erkin" sharýa qojalyqtarynyń basshylary, óz kezeginde S.Seıdahmetovtyń jaqyn týystary - aǵasy, kelini, áıeli jáne balasy ekendigi belgili boldy.

Óz kezeginde bólim basshysy, júıeli túrde memlekettik qyzmetshige qoıylǵan shekteýlerdi buza otyryp, joǵaryda kórsetilgen sharýa qojalyqtarynyń sýbsıdıa alýǵa usynylǵan ótinimderin qarap, vedomstvoaralyq komısıa tóraǵasynyń orynbasary retinde jıyntyq aktilerge qol qoıyp kelgen.

Taldaý nátıjesindegi usynystar negizinde bólim basshysy qyzmetinen bosatylyp, qylmystyq qudalaý organdarymen S.Seıdahmetovke qatysty qylmystyq is qozǵaldy.