16 sáýirde úıinen shyqqan qyz sol kúıi qaıtyp oralmaǵan,  dep habarlaıdy QazAqparat.  

İz-túzsiz joǵalyp ketken Áıgerim Amrenova qaladaǵy kolejderdiń birinde bilim alady. Qazir qyzdy tártip saqshylary izdep jatyr. Ázirge nátıje joq. Búgin qyzdy izdeý jumystaryna qaladaǵy   "RINA. KZ-Semeı" eriktiler qozǵalysynyń músheleri de shyqpaq.

«Ata-anasy men týǵan-týystary da izdep jatyr. Qazir onyń uıaly telefony óship jatyr. Sondyqtan habarlasa almaı jatyrmyz.  Tabylyp qalady degen úmit bar. Keshki saǵat 18.00-de qozǵalys músheleri men eriktiler Áıgerimdi izdeýge shyǵamyz», - dedi qozǵalys jetekshisi  Evgenıa Pavel.

Áıgerimniń boıy - 167 sm, ortasha deneli, shashynyń túsi qońyr, kózi jasyl, oń jaq betinde meńi bar. Jalǵyz balasynan kóz jazyp qalǵan ata-ana ol týraly qandaıda bir aqparat tabylsa 8 747 349 57 17, 8 702 141 22 50 nómirine habarlasýdy suraıdy.