Búgin oblystyq ákimdiktiń otyrysynda 2018 jyldyń alǵashqy úı aıyndaǵy oblystyń áleýmettik-ekonomıkalyq damý qorytyndylary shyǵaryldy.

Statısıka departamentiniń basshysy Maral Nurjaýypovanyń aıtýynsha,  2018 jyldyń alǵashqy toqsanynda SQO qurylys qarqyny boıynsha 16 óńirdiń ishinen 1-shi orynǵa ıe boldy. 5,8 mlrd teńgege qurylys jumystary jasaldy, ótken jylmen salystyrǵanda bul eki esege joǵary. Bıyl 22 myń sharshy metr bolatyn 200 páter qoldanysqa berildi.

Ónerkásip salasynda 64 mlrd teńgeniń ónimi óndirildi. Qaıta óńdeý ónerkásibinde ósim 107,7 % qurady. Azyq-túlik óndirisi 36 paıyz, plasmass buıymdaryn óndirý 18 paıyzǵa artty. Alǵashqy úsh aıda aýyl sharýashylyǵynda  22,5 mlrd teńgeniń ónimi óndirildi. 

Óńir basshysy oblysta eksporttyń kólemi 1,6 esege artyp, ımporttyń kerisinshe azaıǵanyn basa aıtty. «Osy qarqyndy saqtaý kerek» dep  Qumar Aqsaqalov  aýdan ákimderine tapsyrma berdi. Jalpy, oblys ákimi alǵashqy toqsandaǵy ekonomıkanyń damýy kórsetkishterine kóńili toldy. 

-Bizde áleýmettik-ekonomıkalyq damý kórsetkishteri jaman emes. Qysqa merzimdi ekonomıkalyq ındıkator 108,4 paıyzdy qurady. Respýblıka boıynsha bul kórsetkish - 105,3 paıyz. Iaǵnı, oblys ekonomıkasynyń damý qarqyny ortasha respýblıkalyq kórsetkishten áldeqaıda joǵary. Jyl qorytyndysy boıynsha bizdiń kórsetkishter kem degende respýblıkalyq deńgeıde bolyp, tipti odan asyp túsý kerek, - dep atap ótti Qumar Aqsaqalov.

Joǵary nátıjelerge aýyl sharýashylyǵyn ártaraptandyrýdyń arqasynda qol jetkizýge bolady. Maıly daqyldardyń alqaptaryn ulǵaıtý búdjetke qosymsha 60-70 mlrd.teńge qarjy quıady. Ónerkásip jáne qurylys salalarynda da ekpindi ósim kútilýde.