Almaty qalasynda «Rýhanı jańǵyrý» baǵdarlamasy aıasynda «Ǵylym ordasy» ǵımaratynda Qazaqstan Respýblıkasynyń Ǵylymı qyzmetkerleri kúnine arnalǵan saltanatty jıyn ótti. Bul jaıynda Qamshy.kz aqparat agenttigi Almaty aqshamy gazetine silteme berip habarlaıdy.
Oǵan Qazaqstannyń akademıkteri men belgili ǵalymdary, joǵary oqý oryndary men ǵylymı uıymdardyń, ulttyq jáne ujymdyq qoldanystaǵy ınjenerlik zerthanalardyń basshylary, jas ǵalymdar qatysty.
Saltanatty jıyndy Ulttyq Ǵylym akademıasynyń prezıdenti, akademık M.Jurynov ashyp, ǵylymı qoǵamdastyqty tól merekesimen quttyqtady. QR-nyń Bilim jáne ǵylym vıse-mınıstri T.Eshenqulov zıaly qaýymǵa mınıstr E.Saǵadıevtiń quttyqtaý sálemdemesin jetkizdi. Sonymen qatar ǵylymnyń búgingi jaı-kúıi men onyń damý bolashaǵy týraly baıandady.
Atalmysh is-sharada sóz alǵan ǵalymdar óz kezeginde Elbasynyń ǵylymdy qajetsinetin ekonomıkany damytý, qoǵamdyq sanany rýhanı jańǵyrtý jáne Qazaqstan ǵylymyn zamanaýı deńgeıge shyǵarý baǵytyndaǵy saıasatyna qoldaýshylyq tanytty.
Alqaly jıynda ǵylymnyń damýyna zor úles qosqan ǵalymdarǵa QR BǴM-nyń vedimistik marapattary, Qurmet gramotalary men Alǵys hattary tabystaldy.
QR-nyń Bilim jáne ǵylym mınıstrligi men «Qazaqstan ıpotekalyq kompanıasy» AQ-nyń birlesken jobasy aıasynda, «Nurly jer» turǵyn úı qurylysy baǵdarlamasy boıynsha Almaty qalasynda ornalasqan ǵylymı-zertteý ınstıtýttarynyń jas ǵalymdaryna 120 páter bólindi. Jastarǵa áleýmettik qoldaý kórsetý maqsatynda jalǵa beriletin bul páterlerdi olardyń bolashaqta satyp alý múmkindigi bar.
Osy basqosýda 7 jas ǵalymǵa páter kilti tabys etildi.
