Almatynyń jasyl qala ekendigi burynnan belgili. Shahardyń sol ataǵyn saqtaý úshin qalalyq ákimdik kóptegen jumystardy qolǵa alyp jatyr. Mysaly, bıyldan bastap shahardyń qoǵamdyq kópshilik oryndarynda alǵash ret hosh ıisti iri gúlderi bar, japyraǵy únemi kókpeńbek bolyp turatyn magnolıı ósimdigi otyrǵyzyla bastady. Olar aldymen qaladaǵy Qabanbaı batyr jáne Gogol kóshelerine otyrǵyzyldy.
Atap ótetini, buryn magnolıı ósimdigi negizinen jeke úıler aýmaǵynda ǵana otyrǵyzylǵan eken. Endi bul aǵash qaladaǵy kópshilik oryndarǵa da otyrǵyzylatyn bolypty. Aldaǵy ýaqytta shahardaǵy kóp kóshede magnolııdiń hosh ıisi muryn jaryp, onyń únemi kókpeńbek bolyp turatyn japyraǵy aınalany sánge bólep turady.
Endigi jerde magnolıı ósimdigi jaıaý júrginshilerge basymdyq beretin, qaıta jóndeýden ótken kóshelerde otyrǵyzylady. Sóıtip, jaqyn jyldarda olarda magnolıı ósimdigimen birge sándik alma aǵashtary da, akasıa, spıreı butalary, zerek jáne arsha aǵashtary sol aımaqtardy hosh ıisterge bóleıtin bolady.
Kerek keńes
Magnolıa (magnolia) magnolıalyq tuqymdastarǵa jatatyn butalar men sándik aǵash túri.
Jupar gúlderi men ádemi japyraqtary úshin joǵary baǵalanady.
Tabıǵatta 210 túri kezdesedi, keı derekterge qaraǵanda bul tuqymdastar
14 týys, 240 túrdi biriktiredi.
Quramynda erekshe efır maıy bar.
Magnolıa gúlderinen jasalǵan tunba halyqtyq medısınada keńinen qoldanylady.Qan qysymy men demikpe syrqattaryna em.
