Qala ákimi Baýyrjan Baıbek­­tiń tóraǵalyq etýimen qalanyń barlyq merdigerlik uıymdary qatysqan mega­polıstiń kóshe-jol jelilerin jóndeý máselesine qatysty keńeıtilgen  jıyn ótti.

Bıyl shaharda 157 kósheni jóndeý, sonymen qatar Maqataev, Baıtursynov jáne Jarokov kóshe­lerindegi uzyndyǵy 15,7 shaqy­rym bolatyn tramvaı jol­da­ryn jóndeýden ótkizý jospar­lanǵan.

Jıyn barysynda Jolaý­shylar kóligi jáne  avtomobıl joldary basqarmasynyń basshy­sy Maqsut Isahovtyń aıtýynsha,  qala boıynsha júrgiziletin barlyq jóndeý jumystary ústi­mizdegi jyldyń qarasha aıynda aıaq­talady. Sonymen qatar, 24 kóshedegi jol jıekteri tolyq ja­ńartylyp,  kóshelerdiń 43 paıy­zynda jol jıekteri qaıta jasa­latynyn málimdedi. Óz keze­ginde shahar basshysy atal­ǵan basqar­manyń josparyn qa­tal synǵa alyp, jumystyń naqty­ly keste­sin jasaı otyryp, jobalaý  ádis­terin qaıta qaraýdy tapsyrdy.

–       Biz Almatyny «Adamdar úshin jaıly qala» qaǵıdasy boıynsha damytýdamyz. Sondyq­tan jumystardy  júrgizgen kezde kedergilerdi barynsha  azaıtyp,  ýaqytty  qysqartqan jón. Ótken jyly joldardy jóndeý, jylý trassalaryn  jańartý, ortalyqty jańǵyrtý  jóninde  aýqymdy ju­mystar júzege asty. Biraq jumys barysynda  birqatar kemshilikter anyqtaldy. Ásirese, taım-menedjment boıynsha. Bıylǵy jylǵa jasalǵan josparda  keıbir merdigerlerdiń jóndeıtin joldary nebári  5  shaqyrym eken. Ony qarasha aıyna deıin sozýdyń ne qajeti bar? Qystyń aldynda  tegis asfáltty jol kimge  kerek?! –  dep renish bildirdi Baýyrjan Baıbek.

Osylaısha qala ákimi merdi­ger­lerdiń  birneshe kún tas joldy qoparyp, jol jıekterin buzyp, qaıta tas jol tóseıtin, aqyr-aıaǵy uzaqqa sozylatyn eski ádisterden  tolyq arylý kerektigin qadap aıtty.

– Jumysqa kirispes buryn jóndeletin ár kóshe boıynsha  aqaýy kórsetilgen aktili fotoal­bomdy usynyńyzdar. Jumysqa barynsha keshendi túrde qarap, árbir aspektini oılanyp baryp jasaý kerek. Merdiger keıbir jerlerde aryq naýalaryn aýys­tyrý, qorshaýlardy, qaraýsyz qalǵan baǵanalardy, beton kon­strýksıalaryn, kereksiz jeliler­di, bir sózben aıtqanda, kózge bir­den túsetin qoqysty alyp tastaý qajet ekenin bilýi tıis. Sonda ǵana is birneshe ret qaıtalap atqarylmaıtyn bolady. Onyń ústine burynnan bar, jóni túzý  jasyl jelekti barynsha saqtaǵan jón, – dedi  qala ákimi Baýyrjan Baıbek.

Sonymen qatar, qalada báz-baıaǵy qalpynda durys ornalas­paǵan turaq qaltalary jetkilikti. Tipti,  keıbir ýchaskelerde kólik ıele­ri  kólikterin buryshtap qoıyp, qozǵalys jelisiniń ótkiz­gish qabiletin tómendetip, apatty jaǵdaıǵa uryndyrady. Megapo­lıs basshysy jol jóndegende osy faktordy eskerýdi, turaq qalta­larynyń bergi betterin ǵana abattandyrýdy tapsyrdy.

Qala ákimi jol jóndeý bary­synda kóshelerdiń  jabylatyn bólikteri týraly turǵyndarǵa der kezinde habarlaý kerektigin de aıtty.

– Qandaı jumystardyń júretini jáne qashan aıaqtala­tyny týraly túsinik berilý qajet. Kompanıa basshylarynyń baıla­nys nómirlerine deıin jazylǵan tolyq aqparaty bar stendiler ornatylýy tıis. Aqparattyq  resýrstarda jumys kestesiniń bolǵany jón, – dedi ákim.

Jıyn sońynda shahar bas­shysy Jolaýshylar kóligi jáne avtomobıl joldary basqarma­syna bir apta  ishinde jospar jasaýdy, onda árbir merdiger  uıymdardyń qandaı jumysty qashan jáne qalaı júrgizetini, naqtyly merzimi kórsetilýi tıis degen tapsyrma berdi. Ońtaılan­dyrylǵan jumys kestesi kelesi keńeste  usynylýy qajet. Osyn­daı tapsyrma qalanyń  energe­tıka jáne komýnaldy sharýa­shy­lyq basqarmasyna da mindet­teldi.

Almaty aqshamy