Almatyda «QazTransGaz Aımaq» AQ  Almaty óndiristik fılıalynyń tapsy­rysymen Altynsarın kóshesi boıymen ótetin «Orta qysymdaǵy jerasty gaz qubyryn jańartý» jobasyn qolǵa  aldy. Jandosov kóshesinen bastalatyn gaz qubyrynyń jalpy uzyndyǵy – 2,8 shaqyrym. Jańa  gaz qubyry almatylyqtardy  gazben turaqty  ári úzdiksiz qamtamasyz etpek. Joba boıynsha qaıta jasaý jumystary Altyn­sarın kóshesi boıymen Jandosov kóshesinen  Jubanov  kóshesine deıin solǵa qaraı joldyń batys jaǵyn qamtıdy. Atqaryla­tyn jumys eni  – 5 metr.

Jańartý jumystaryn bıylǵy jyldyń 16 shildesinde aıaqtaý josparlanǵan.

Aıta ketý kerek, Altynsarın kóshesi­niń keıbir ýchaskelerinde jóndeý jumys­tary júretindikten, ońtústik baǵytta (batys jaǵynda) kólik qozǵalysyna shekteý qoıylyp, qıyndyqtar týyndaýy múmkin.

Kólik qozǵalysyna shekteý qoıylatyn ýchaskeler:

1) Jandosov kóshesinen Shalápın kóshe­sine deıin  4 sáýir men 16 mamyr aralyǵy;

2)      Shalápın  kóshesinen  Abaı dańǵy­lyna deıin 6  sáýir men 25 mamyr aralyǵy;

3)      Abaı dańǵylynan Jubanov kóshesi boıymen 21 mamyr men 18  maýsym aralyǵy;

4)      Jubanov kóshesinen Abaı dańǵy­lyna qaraı  28 mamyrdan 16 shildege deıin.

Qala turǵyndaryna barynsha qolaıly bolý úshin jańartý jumystary segment  boıynsha,  ıaǵnı ár 100 metr saıyn jumys­tar atqarylyp, qazylǵan aımaq­tardyń ústi  jabylyp, asfált tóseledi.  Atap aıtqanda, Jandosov kóshesinen soltústik baǵytta Abaı dańǵylyna deıin, Abaı dańǵylynan ońtústik baǵytta Jandosov kóshesine deıin. Sondaı-aq, Abaı dańǵy­lynan Jubanov kóshesine deıin júredi.

Almaty aqshamy