Bárimiz de baıqap júrmiz, osy kezge deıin qoǵamdyq kólikterde kim kóringen kondýktor bolyp júre beretin. Tipti, ara-tura olardyń arasynda mektep jasyndaǵy oqýshylar da kezdesip qalatyn. Endi osy keleńsizdiktiń orny joıylatyn boldy.

Óıtkeni, jýyrda Almaty qalasy máslıhatynyń eńbek,  jumyspen qamtý jáne kólikti damytý jónindegi turaqty komısıasynyń tóraıymy Roza Badaeva «Almaty qalasynyń avtobýs parkteri bir aı ishinde zańsyz kondýktorlardan qutylýlary kerek», — dep málimdedi. Soǵan oraı avtobýs basshylyǵy 20 naýryz – 20 sáýir aralyǵynda ózderinde jumys isteıtin kondýktorlardy zańdy túrde tirkeýden ótkizýleri nemese olardyń qyzmetin múldem toqtatýlary qajet eken.

Óz kezeginde osy máselege oraı avtopark basshylary jaýap berip, kon­dýktor retinde eshkimdi jumysqa qabyldaı almaıtyndaryn aıtqan. Óıtkeni, mundaı jumys arqyly ózderiniń zor shyǵynǵa batatynyn keltirgen. Atap ótetini, áý basta elektrondy bılettendirý júıesi – júrgi­zýshilerdiń qolma-qol aqshaǵa qoldary jetpeıtin etip jasalǵan. Soǵan oraı avto­parkter bul jumysty elektrondy bıletten­dirý operatorlary óz qoldaryna alýlary tıis dep sanaıdy. Sebebi, jolaqydan jınalǵan barlyq aqshaǵa tek solar ǵana jaýap beredi eken.

Aıtqandaı, «Green Bus Company» kompanıasy osy máselege oraı synaq júrgizip, kondýktorlardy jumysqa qabyl­dap baıqaǵan. Alaıda, jumystyń aýyrly­ǵynan olardyń kópshiligi shydaı almaı, jumystan shyǵyp kete bergen.

Almaty aqshamy