Elbasy N.Nazarbaev «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Qazaqstan halqyna Joldaýynda «Smart Sıtı» qalalyq ortany basqarý júıesiniń tujyrymdamasyn engizýge erekshe mán qoıdy. Halyqaralyq tájirıbe boıynsha «Aqyldy qala» júıesi qaladaǵy kóshelerdi jaryqtandyrýǵa beriletin elektr ener­gıasyn 60 paıyzǵa deıin, komýnal­dyq jeliler men jylýdy qoldaný qyzmetterin 30 paıyzǵa deıin, elektr energıasyna jumsalatyn esep-shottardy 26 paıyzǵa deıin tómendetýge múmkindik beredi.   «Aqyldy qalany» damytý «Sıfrly Qazaqstan – 2020» memlekettik baǵdarlama­synyń bir bóligi bolyp sanalady. Úki­mettiń «Smart Sity» jobasyn engizý jos­parynda elimizdiń 5 iri  qalasy bar – Astana, Almaty, Qaraǵandy, Shymkent jáne Aqtóbe.

Almaty qalasynda «Smart Almaty»-nyń 7 negizgi jobalyq baǵyty bar:

– Jaıly qala (kóshelerde jaıaý júrginshi joldaryn jasaý, baqtar men saıabaqtardy qaıta jóndeýden ótkizý);

– «Open Almaty» ( «bir tereze» prın­sıpi boıynsha Almaty qalasy ákim­shiliginiń  qoǵamdyq qabyldaýy);

– Turǵyndarǵa arnalǵan qoljetimdi servıs (Páter ıeleriniń kooperatıviniń onlaın rejımde jumys isteýi, jylý jáne sý magıstraldaryndaǵy ysyrap monı­torıngine arnalǵan İoT dachıkterin qoldaný);

– Ashyq búdjet, Ashyq derekter (almatygenplan.kz portalynyń jumysy, Open Data-da búdjet jobalary men esepterin jarıalaý);

– Zıatkerlik Kólik júıesi jáne Qaýipsiz qala (qalanyń kólik jelilerin bir júıege ıntegrasıalaý, qoǵamdyq kólik­terge jol jolaqshalaryn jasaý, velo-dálizder, turaqtar jáne jaıaý júrginshi joldary, joldar men qoǵamdyq oryndardy beınetirkeý).

Almaty aqshamy