Almatyda, «Sporttyq Almaty» baǵdar­lamasy aıasynda velosherýdiń toǵyzynshy maýsymy bastaldy. Sporttyq sharaǵa arasynda qala ákimi bar eki  myńnan astam adam  qatysty.

Megapolıs turǵyndary men qonaqtary «Nurly Taý» Bıznes ortalyǵynan bas­talyp, Tuńǵysh Prezıdent saıabaǵyna deıin jalǵasqan 9 shaqyrymdy qqashyq­tyqty  baǵyndyrdy. Veloýesqoılarmen birge bul  velosherýge Almaty qalasynyń ákimi Baýyrjan Baıbek, Dene shynyqtyrý jáne sport basqarmasynyń basshysy  Ábil  Dóńbaev   qatysty.

– Osyndaı  is-sharalar qala turǵyn­daryna ýaqytyn tıimdi ári kóńildi ótkizýge jaqsy múmkindik. Osy ýaqytqa deıin biz qoǵamdyq  kólikterde, kóshelerde, saıabaq­tarda, kez-kelgen jastaǵy adamdar  tany­syp, demalyp, jumys jasaıtyndaı jaǵdaı qalyptastyrý  jolynda jumys  atqaryp  kelemiz, – deıdi megapolıs ákimi.

Sonymen qatar, Baýyrjan Baıbek qazirgi tańda qalada  salaýatty  ómir  salty men sportqa jaqsy kóńil bólinip  jat­qanyn atap  ótti. Almatyda búgingi tańda 68 shaqyrymdyq velodálizi salyndy. Sony­men qatar, qalabasshysy velosıped­terdi jalǵa beretin «Almatybike» jobasy qarqymdy damyp, qalanyń ortalyq kóshelerinde 1730 velosıpedke arnalǵan 200 velosıped turaqtary jumys istep turǵa­nyn tilge tıek etti. Onyń aıtýynsha, jylda ótetin «Almaty týry» velojarysy qalanyń tanymal brendine aınalyp, Alma­tynyń týrısik jáne sporttyq qala ımıji retinde shet elge tanymaldyǵyn   arttyrýda.

Maýsymnyń ashylý velosherýiniń má­resinde qatysýshylardyń  arasynda 20 ve­losıped,  ózge de baǵaly syılyqtar oı­natyldy. Barlyq kelýshilerdiń aldynda óz ónerlerimen Shamsi, Alime toptary shyǵyp, is-shara «Almaty Street Fitness»  baǵdarlamasymen jalǵasyn  tapty.

Byltyrǵy, 2017  jyly «Sporttyq Al­maty»  baǵdarlamasy boıynsha  qalada 21 velosherý  uıymdastyrylyp,  21 myń  adam  qatysqan bolatyn.