Petropavlda birneshe jyl buryn apatty dep tanylǵan eki qabatty turǵyn úıdiń qabyrǵasy opyrylyp tústi. Tótenshe jaǵdaı 21 sáýirde Bereke yqsham aýdanynda boldy.

Kýágerler men jergilikti bılik qurbandar men jaralanǵandar joq deıdi.

1950 jyly salynǵan Oral kóshesindegi № 4 úı birneshe jyl buryn apatty dep tanylǵan. Onda úsh otbasy — barlyǵy 13 adam turǵan. Tótenshe jaǵdaıdan keıin, adamdar kóshirilip, ǵımaratty qorshaýǵa aldy.

Oqıǵa ornyna kelgen Petropavl ákimi Marat Tasmaǵanbetov turǵyndarǵa ýaqytsha baspana beriletinin aıtty.

"Búgin bizde apatty baspanalar úshin jeke turǵyn-úı qory joq. Sol sebepti biz sizderge qazir ýaqytsha baspana beremiz. Keıin bul máseleni sheshetin bolamyz",- dedi ol.

Petropavlda apatty dep tanylǵan 19 kópqabatty úı bar. Azattyq osyǵan deıin Soltústik Qazaqstan oblysyndaǵy birneshe apatty úıdiń jaǵdaıy týraly aıtqan.