Birinshi ret QR Prezıdentiniń «Quqyq qorǵaý organdarynyń júıesin odan ári reformalaý sharalary týraly» 1997 jyldyń 22 sáýirindegi 3465-shi Jarlyǵyna sáıkes, Qorǵanys jáne İshki İster mınıstrlikterinde áskerı polısıanyń jeke qurylymdary quryldy.

Prezıdent Jarlyǵynyń negizinde «QR QK áskerı polısıasy jónindegi erejeni júzege asyrý týraly» Qorǵanys mınıstrligi buıryq shyǵaryp, QR QK áskerı polısıasy qyzmetkerleriniń mindetteri men quqyqtary, mártebesi men maqsaty aıqyndaldy. Onda QR Ulttyq qaýipsizdik komıtetiniń shekara qyzmetiniń, İshki İster mınıstrliginiń, Qorǵanys mınıstrliginiń quramyna qaraıtyn áskerı polısıa áskerı qurylymdardaǵy quqyq tártibin qamtamasyz etetindigi jáne áskerı polısıanyń quqyǵy men fýnksıasy QR Zańdarymen qorǵalatyndyǵy aıtylǵan. QR QK mekemeleri men áskerı bólimderinde quqyq buzýshylyq pen áskerı qylmystyń aldyn-alý, anyqtaý jáne jolyn kesý maqsatynda qurylǵan áskerı polısıa jasaǵyna 21 jyl tolýyna oraı Almaty óńirlik garnızony áskerı polısıa jasaǵynda saltanatty jıyn ótti.

Saltanatty jıynda Almaty óńirlik garnızony Áskerı polısıa jasaǵynyń garnızondyq deńgeıdegi sharalardy uıymdastyrýǵa qatysý, dala jattyǵýlary ótkiziletin aımaqta komendanttyq qyzmetti qamtamasyz etý, uzaq jolǵa áskerı tehnıkany jetkizýge kómektesý, qyzmet ornyn óz erkimen tastap ketken áskerıdi izdeý jáne taǵy da basqa mańyzdy jumystarǵa tartylmaǵan áskerı polısıa qyzmetkeri kemde-kem shyǵar. Áskerı polısıa qyzmetkeri áskerdegi tártip pen talaptyń, tálim men tárbıeniń úlgisi bola bilýi kerek. Qurylǵanyna 21 jyl bolǵan áskerı polısıanyń basty maqsaty - áskerılerdiń quqyǵy men zańdylyq múddesin qorǵaý. QR QK áskerı polısıasynyń jeke quramy óz kúshi men múmkindikterine qaraı jáne zańdarǵa súıene otyryp, elimizdiń odan ári ósýi men órkendeýine baǵyttalǵan normatıvti aktilerdi, ózge jetekshi qujattardy, Konstıtýsıanyń barlyq aspektilerin júzege asyrý. "Bizdiń abyroıymyzdy arttyratyn ister kóp. Sonyń biri - byltyr Reseıde ótken Halyqaralyq Armıa oıyndarynda kınologıalyq baıqaýda 2 oryndy ıelendik.

Bizdiń kınologıalyq bólim jarylǵysh zattardy izdeý boıynsha kınolog-mamandarǵa arnalǵan kásibı biliktilik kýrsyna qoldaý kórsetý maqsatynda AQSH elshiliginen alǵys xat aldyq" dedi Almaty óńirlik garnızony Áskerı polısıa jasaǵynyń bastyǵy polkovnık Erdılda Rshaýov. Sonymen birge ol barlyq áskerı polısıa jasaǵynyń qyzmetkerlerin QR QK Bas áskerı polısıa bastyǵy polkovnık B.Lekerovtyń quttyqtaýy men alǵys xattardy tabys etti. Jıyn sońy saltanatty konserttik baǵdarlamaǵa ulasty. Qarlyǵash Musabekqyzy