Almaty qalasynda jalpy somasy 1 443,091 mln. teńgege 105 úıdiń 222 lıftisin aýystyrý josparlanýda.
Mundaı tyń aqparatty Almaty qalasynyń Óńirlik komýnıkasıalar qyzmetinde ótken brıfıń barysynda turǵyn úı jáne turǵyn úı ınspeksıasy basqarmasynyń basshysy Ánýar Óskenbaev málimdedi.
Ánýar Óskenbaevtyń baıandaýynsha,turǵyndarmen tek menshik jáne jaýapkershilik, óz úıi men óz úıin kútip-ustaýǵa belsendi qatysýǵa túbegeıli sezimderin tanytý kerek.
Budan bólek, ekinshi deńgeıdegi bankterde PIK aldyndaǵy qasaqana boryshkerlerdiń derekterin berý jóninde bizben jáne «Birinshi nesıelik búro» JSHS arasynda Memorandým jasaldy. Ókinishke oraı, turǵyn úıdi kútip-ustaýǵa arnalǵan shyǵystarǵa shottar boıynsha úılerdiń barlyq turǵyndary tólemeıdi.
Endi qasaqana tólemeýshiler ekinshi deńgeıdegi bankterden nesıe ala almaıdy.
Búgingi kúni Basqarma saıtynda 100 boryshker boıynsha aqparat ornalastyryldy.
Óńirlerdi damytýdyń 2020 jylǵa deıingi Baǵdarlamasy sheńberinde bizdiń vedimistik baǵynysty uıym «Almaty Turǵyn úı» JSHS kóppáterli turǵyn úılerdiń jóndeýin júzege asyrdy.
Baǵdarlamany júzege asyrýdyń barlyq ýaqytynda (2011-2017 jj.) jalpy somasy 5 252,4 mln. teńgege 539 turǵyn úı jóndeldi, onyń ishinde:
-284 úıge kúrdeli jóndeý júrgizildi (onyń ishinde qaıtarylǵan qarajatqa 50 úı);
-88 úıge eskirgen elevatorlyq toraptar ornyna blokty avtomattandyrylǵan jylý pýnktteri ornatyldy;
-167 úıdegi lıftiler aýystyryldy.
2017 jyly ǵana 94 úıdegi 199 lıft aýystyryldy, 143 úıge kúrdeli jóndeý júrgizildi.
Tutastaı alǵanda, Almaty qalasynyń turǵyn úı qorynda shamamen 3700 lıft ornalasqan, onyń normatıvtik paıdalaný merzimi 25 jyldan astam jáne 1700-den astam birlik (45%) aýystyrýdy talap etedi.
Óńirlerdi damytýdyń 2020 jylǵa deıingi Baǵdarlamasyn iske asyrýdyń barlyq ýaqytynda somasy 1 930,7 mln. teńgege 166 úıdegi 375 lıft aýystyryldy.
Budan bólek, 2018 jylǵa 35 paıyz aýystyrýdy talap etetin lıftilerdiń sanyn tómendetý úshin, jalpy somasy 1 443,091 mln. teńgege 105 úıdiń 222 lıftisin aýystyrý josparlanýda.
Búgingi kúni 8 úıdegi 16 lıft aýystyryldy. Barlyq 222 lıftini aýystyrý boıynsha jumystardy aıaqtaý merzimi – 2018 jyldyń 15 tamyzyna deıin.
Lıft jabdyqtaryn aýystyrý jaılylyq pen estetıkalyq túrdi ǵana qamtamasyz etpeıdi, sonymen qatar energıa tutynýdy tómendetý, al eń bastysy – qaýipsizdik. Astana qalasynda lıft jabdyqtarynyń isten shyǵý faktileri oryn alǵan. Osyǵan baılanysty, lıft qaýiptiligi joǵary jabdyq bolyp tabylatyndyǵyn eskerip, sapaly lıftilerdi aýystyrý jáne jáne turǵyndardyń qaýipsiz jáne jaıly tasymaldaýyn qamtamasyz etý úshin tek qana túpnusqalyq qosalqy bólshekterdi qoldanýǵa bizden erekshe kóńil bólinedi, - dep sózin túıindedi Ánýar Óskenbaev.
