Almaty qalasynyń 45 % paıyzyn jastar quraıdy.
Búgin Almaty qalasynyń Óńirlik komýnıkasıalar qyzmeti alańynda Almaty qalasy Jastar saıasaty máseleleri jónindegi basqarmasynyń basshysy Beskempirov Shyńǵys Jumaǵalıulynyń qatysýymen brıfıń ótti.
Basqarma basshysy Shyńǵys Jumaǵalıulynyń aıtýynsha, Almaty jastar qalasy bolyp sanalady. Qalanyń árbir ekinshi turǵyny jastar qataryna jatady. 14 pen 35 jas aralyǵynda 800 myńǵa jýyq jastar ómir súredi jáne ol qalanyń barlyq turǵynynyń 45,2% paıyzyn quraıdy.
Jastar saıasaty salasyndaǵy negizgi mindetterdi sheshý úshin, Elbasy Nursultan Ábishuly Nazarbaevtyń tapsyrmasy boıynsha, 2017 jyl Almaty qalasynda Jastar jyly bolyp jarıalandy, - dep baıandady basqarma basshysy.
Jastar jyly, sonymen qatar «Bolashaqqa baǵdar: rýhanı jańǵyrý» atty memleket basshysynyń jobasy aıasynda «2020 jylǵa deıin jastardy qoldaý jol kartasy» jobasy jasaldy. Atalmysh qujat quramynda qala úshin teńdessiz sharalar qarastyrylǵan. Jol kartasy jastar men qoǵam arasynda keń aýqymdy talqyǵa túsip (50-den astam kezdesýler ótkizildi), Qoǵamdyq Keńes pen qalalyq Maslıhatpen maquldandy.
Jol kartasynyń eń basty maqsaty – jastardyń ózindik damýy men jan-jaqty damýyna jaǵdaı jasaý, megapolıs talabyna saı ómir súrýge úıretý, jastar arasynda salaýatty ómir saltyn saqtaýdy damytý bolyp tabylady.
Qujat barlyǵy 5 basty baǵytta jasaqtalǵan:
- sapaly bilim;
- jumys bastylyq pen jumysqa ornalasý;
- mádenı demalys jáne salaýatty ómir salty;
- baspana jáne jas otbasylarǵa kómek;
- belsendi jastar qalasy, - dep atap ótti basqarma basshysy Shyńǵys Jumaǵalıuly.
