Oblys ákimdigi Telegram qosymshasynda chat-arna ashty. Onnda barlyq deńgeıdegi ákimder, basqarmalar men komýnaldyq mekemelerdiń basshylary turǵyndardyń suraqtaryna tikeleı jaýap beredi.

Ortalyq komýnıkasıalar qyzmetinde Atyraý oblysynyń ákimi Nurlan Noǵaevtyń qatysýymen ótken brıfıń barysynda jýrnalıserdi jergilikti atqarýshy organdardyń turǵyndarmen ózara árekettestigi týraly másele qyzyqtyrdy.

Ákimdikterdiń turǵyndarmen keri baılanysynyń utymdy tásilderiniń biri – áleýmettik jeliler. Munda árbir azamat ózin qyzyqtyratyn suraqtaryn qoıa alady. Sonymen birge oblys ákiminiń turǵyndardy jeke qabyldaýy kezindegi qarym-qatynasy kóptegen máselerdi sheshýge yqpal etedi.

–Jergilikti atqarýshy organdar turǵyndarmen keri baılanys mehanızmderin jolǵa qoıý baǵytynda aýqymdy jumystar atqarýda. Eger jeke qabyldaýlar týraly aıtatyn bolsaq, 2017 jyly óńir turǵyndarymen 40-tan asa jeke qabyldaý ótkizdim, - dedi Nurlan Noǵaev.

400-den astam adam oblys ákimine ártúrli suraqtary men usynystaryn bildirgen. Sonymen qatar memlekettik organdardyń turǵyndarmen ózara qarym-qatynas mehanızmin jaqsartý baǵytynda jumystar atqarylyp jatyr. Qazirgi tańda chat-arnada 3100 paıdalanýshy bar, 1500 suraq qaraldy.

Buǵan qosa, oblys ákimi oblys ortalyǵynda osyndaı prınsıppen jumys jasaıtyn «Atyraý Sıfrlyq Qabyldaý» mobıldi qosymshasy qoldanylatynyn da aıtyp ótti. Munda 3162 paıdalanýshy tirkelgen, búgingi kúnge 600-den astam suraq qaraldy.

–Ózi úshin mańyzdy suraqpen habarlasqan árbir paıdalanýshy barlyq qajetti aqparatty ala alady. Jergilikti atqarýshy organdar turǵyndardyń barlyq saýaldaryna jedel ári sapaly jaýap berý úshin keri baılanystyń jańa mehanızmderin engizý boıynsha turaqty jumystar júrgizýde. «Sıfrly Qazaqstan» memlekettik baǵdarlamasyn iske asyrý aıasynda onlaın quraldarǵa erekshe basymdyq berýdemiz,- dep naqtylap ótti Nurlan Noǵaev.