Astana medısına ýnıversıtetiniń 117 stýdenti jalǵan IELTS sertıfıkatyn satyp alǵany úshin olardy oqýdan shyǵarý týraly sheshim qabyldanǵan, dep habarlaıdy Qamshy.kz aqparat agenttigi.  

QR Bilim jáne ǵylym mınıstri Erlan Saǵadıev Astana medısına ýnıversıtetindegi shýǵa qatysty óz pikirin bildirdi. 

«Byltyr biz Astana medısına ýnıversıtetiniń jumysyn tekserip, jalǵan IELTS sertıfıkattaryn satyp alǵan stýdentterdi oqýdan shyǵarý boıynsha tapsyrma berdik. Bul nusqama ishinara oryndaldy. Stýdentterdiń bir bóligi ózderiniń quqyqtaryn qorǵaý úshin sotqa júgindi. Nusqama oryndalýy tıis. Stýdentterdi oqýdan shyǵarýyn durys sheshim dep sanaımyz», - dedi Saǵadıev.

QR Bilim jáne ǵylym mınıstrligi Densaýlyq saqtaý mınıstrligimen jáne ýnıversıtetpen birigip komısıa qurmaqshy. Mınıstr oqý orny men stýdentterge qatysty qandaı quqyqtyq qadamdar qabyldaý kerektigin talqylaý mańyzdy ekenin aıtady. 

Aldaǵy ýaqytta atalmysh másele boıynsha basqa da oqý oryndary tekseriledi. Al stýdentter tarapynan jalǵan IELTS sertıfıkattaryn alýy faktisi boıynsha quqyq qorǵaý organdary tekserý jumystaryn júrgizip jatyr. 

Aıta keteıik, byltyr IELTS-ty óz bilimimen tapsyrǵandar shaǵym túsirgen. Sonyń nátıjesinde aǵylshyn tili emtıhany boıynsha 117 tirkelmegen sertıfıkat anyqtaldy.