«Altyn Júrek» – syılyǵyn Qazaqstandaǵy eń qaıyrymdy marapat dep ataýǵa bolady. Ózgege meıirbandylyqpen qarap, qol ushyn bere biletin atymtaı jandyrdy marapattaıtyn syılyq 2007 jyly dúnıege keldi. «Baurzhan Foundation»qaıyrymdylyq qorynyń uıymdastrýymen jandanǵan bul joba jyl sanap óz mártebesi men deńgeıin joǵaltpaı keledi. Osy jyldar ishinde «Altyn júrek» - qaıyrymdylyqtyń nyshany ispettes, qazaq halqynyń meıirimdi ári atymtaı jomart jandarǵa baı ekenin baıqatyp keledi. Jyl boıy ulttyq syılyq uıymdastyrýshylary elimiz boıynsha qaıyrymdylyqpen aınalysatyn jandardy izdep keledi.Bıyl jyldaǵy úrdisti jalǵastyryp «Altyn júrek» syılyǵy óziniń12-shi jylǵy jumysyn bastamaq.    

Syılyq ıegerleri ishinde ataqty sportshy Jaqsylyq Úshkempirov, qoǵam qaıratkeri Arýjan Saın, «Klýb dobrákov» eriktiler qozǵalysynyń negizin qalaýshy Gýlmıra Abdrasheva,  Qazaqstan Respýblıkasyna eńbek sińirgen jattyryqtyrýshysy  Daýlet Týrlyhanov, mesenat kásipker Sergeı Spısyn, Baýyrjan Ospanov,  Birjan Kýjakov,  "Almaty marafon" jáne basqalar atandy.

Kóptegen jyldar boıy júregi altyn jandardy izdeýmen aınalysyp kele jatqan Syılyq uıymdastyraýshylary«Baurzhan Foundation» qory «Laıyqty jandardy marapattaý kerek – olar ózgelerge úlgi bola alady» - deıdi. Sol sebepti 12 jyl «Altyn Júrek» úmitkerlerdi tirkeýdi ýaqytynan erterek bastamaq, sonymen qatar jańa 12-shi Nomınasıany jarıalamaq.  

Osyǵan baılanysty 18 sáýir kúni saǵat 11.00-de Hİİ Qoǵamdyq Ulttyq «Altyn Júrek» syılyǵynyń bastalýyna arnalǵan pres-konferensıa ótti.

Elimizdegi erekshe syılyq «Altyn júrekke» qatysýshylardy resmı túrde tirkeý bastaldy. Qazaqstandyqtar eń qaıyrymdy degen jandardy qyrkúıektiń ortasyna deıin anyqtaı alady. Aıta keterligi, bıylǵy marapattyń birneshe jańashyldyǵy bar. Qorshaǵan ortany qorǵaýǵa úles qosqan janǵa beriletin 12-shi  nomınasıa qosylǵan. Laıyqty degen jandardy marapattaý úshin uıymdastyrýshylar, bıyl úmitkerlerdi tirkeýdi erte bastamaq. Sondaı-aq  qatysýshylardy onlaın rejımde tirkeýge bolady. Jeńimpazdardyń esimi dástúr boıynsha qazan aıynyń aıaǵynda jarıalanady. Fınalısterdi irikteý 3 kezeńmen júredi.

«Bul premıanyń qajettiligi jáne mańyzy óte zor dep esepteımin. Sebebi, qaıyrymdy isterdi kórsetý, qandaı da bir áleýmettik másele bolsa nemese sheshilmegen suraq bolsa sony birlesip qana sheshýge bolady. Jáne sondaı qaıyrymdy adamdardy biz kórsete bilýimiz kerek», - dedi "Altyn Júrek" syılyǵynyń bas úılestirýshisi Elmıra Qydyrmollaeva.

Spıkerler qatarynda: polıtolog, memleket jáne qoǵam qaıratkeri Aıdos Sarym, "Qazaqstannyń ekologıalyq uıymdarynyń qaýymdastyǵy" Zańdy tulǵalar birlestiginiń basqarma tóraıymynyń orynbasary Asqat Súleımenov, Ekologıa máseleleri ǵylymı-zertteý ınstıtýtynyń dırektory, geografıa ǵylymdarynyń kandıdaty Aıjan Skakova, «Ardagerlerge kórsetken qurmeti úshin» nomınasıasynyń 2017 jylǵy laýreaty Rasıma Temirbaeva, «Petro Kazahstan» kompanıasynyń strategıalyq komýnıkasıalary boıynsha menedjery Aınash Tleýbaeva, joba úılestirýshisi Elmıra Kydyrmollaeva boldy. 

Uıymdastyrýshylar 2018 jylǵy «Altyn Júrek» jobasynyń erekshelikteri men jańalyqtary týraly talqylap, qaıyrymdylyq is-sharalaryna baılanysty statısıka men aqparat berdi jáne 18 sáýirde bastalyp 15 qyrkúıekke deıin jalǵasatyn tirkeýdiń bastalýy týraly resmı túrde jarıalady.

Jylsaıynǵy «Altyn Júrek» syılyǵy «Baurzhan Foundation»  qorymen  2007 jyly mesenattylyqpen qaıyrymdylyqty damytý maqsatynda dúnıege keldi. Ár jyl saıyn Qazaqstannyń túkpir-túkpirinen www.altynzhurek.kz resmı saıtyna 300-den astam ótinishter kelip túsedi.  12 jyl ishinde 124 qaıyrymdy jan «Altyn júrek» ataǵyn aldy.  Ótinishterdi  qarastyrý úshin sarapshylyq jáne qoǵamdyq keńes qurylady, onyń quramyna qoǵamdyq uıymdar jetekshilieri, QR qoǵam jáne mádenıet qaıratkerleri kiredi.